web counter
LEXO PA REKLAMA!

SHKARKO APP

App Store
Google Play

Balluku inspekton punimet në rrugën Orikum-Dukat/ Ka përfunduar 13% e punës

11 Prill 2021, 18:26, Politikë CNA

Ministrja e Infranstrukturës dhe Energjisë, Belinda Balluku ka inspektuar punimet në rrugën Orikum-Dukat, ku u theksua se kanë përfunduar nga 13 deri 15 përqind të punimeve.

Sipas Ballukut Vlora është kthyer në një kandier ndërtimi vitet e fundit, ndërsa theksoi se ky është një segment shumë i rëndësishëm për të lidhur dy bypass-i i Vlorës dhe tuneli i Llogarasë.

?Vlora është kthyer në një kantier ndërtimi pasi është porta hyrëse në bregdetin e jugut shqiptar në rivierën shqiptare, ku vitet e fundit ka mjaft interes jo vetëm nga turistët vendas, jo vetëm nga turistët që vijnë shqiptarët e Kosovës apo shqiptarët e Maqedonisë së Veriut, por edhe nga e gjithë bota. Ne kemi pritur shumë turistë në këtë zonë, por sigurisht me problematikat që ka pasur infrastruktura e trashëguar, e cila duhet zëvendësuar me infrastrukturën e re që ne po ndërtojmë për t?i dhënë mundësi kështu jo vetëm vizitorëve, por edhe investitorëve të cilët e kanë të pazëvendësueshme çështjen e infrastrukturës ?, u shpreh Balluku.

Pjesë nga biseda:

Balluku: Sa përqind e punës kemi bërë deri tani këtu inxhiner?

Inxhinieri: Kemi mbërritur tek 13 deri në 15 %

Balluku: 13-15 përqind e punimeve sepse është ecuri e mirë sepse ne e kemi nisur në dhjetori punën apo jo?

Inxhinieri: Kemi kaluar një dimër të vështirë.

Balluku: Ka qenë dimër me rreshje edhe me lagështirë të madhe kështu që  në këto tre muaj është bërë punë e konsiderueshme që të ecësh në këtë segment 13 %

Në projektin e këtij aksi janë parashikuar ndërtimi i 5 ura, një gjysmë tunel si dhe ndërtimi i mbrojtjes lumore të lumit Dukat.





Lajmet e fundit nga