web counter
LEXO PA REKLAMA!

SHKARKO APP

App Store
Google Play

Basha kapet duke gënjyer/ Ja e vërteta e tunelit të Krrabës, Tiranë-Elbasan

11 Prill 2021, 12:34, Politikë CNA

Ditën e sotme, kreu i Partisë Demokratike, Lulzim Basha ka zhvilluar një takim në Elbasan, duke u krenuar me sukseset e të tjerëve, ashtu siç e ka bërë zakon tashmë.

Ai e ka konsideruar tunelin e Krrabës, në Elbasan si një vepër të tijën, ku në fakt e vërteta është krejt ndryshe.

?E di dhe e kam ndjerë vlerësimin tuaj për këtë vepër të jashtëzakonshme (tunelin) që shndërroi shumë dimensione të jetës së përditshme të jetës së qytetarëve të Elbasanit dhe gjithë Shqipërisë.Kam ardhur të jap mesazhin sa e rëndësishme është fjala e mbajtur në politikë. Fjala e dhënë për tunelin e Elbasanit në vitin 2009 është fjalë e mbajtur? tha Basha.

Në fakt, Lulzim Basha e ka fshirë nga kujtesa e tij, se ndërtimi i tunelit filloi në 29 Prill 2011 me një kosto që arrinte deri në 101 milionë dollarë dhe u hap me 16 Qershor në vitin 2013, gjatë fushatës së zgjedhjeve parlamentare.

Pra, punimet për ndërtimin e tunelit të Krrabës, filluan në vitin 2011, kohë kur Lulzim Basha ishte kryetar i Bashkisë së Tiranës, ndërsa Sokol Olldashi kishte katër vite si Ministër i Infrastrukturës.

Edhe kur u bë përurimi, pra hapja e tunelit, në vitin 2013, Lulzim Basha ishte sërish kryetar i Bashkisë së Tiranës.

Mbi këto fakte, natyrshëm lind pyetja si e ndërtoi një rrugë nacionale një kryetar bashkie?

Pas skandalit me 300 milionë euro me rrugën e Kombit, dëgjojmë çudira nga Lulzim Basha që del dhe thotë se  e ndërtoi ai, apo edhe kryeministri Edi Rama, që del dhe thotë se e ndërtoi ai, por në fakt vepra në fjalë u ndërtua nga Qeveria ku kryeministër ishte Sali Berisha dhe Ministër i Infrastrukturës ishte Sokol Olldashi, që kishte përgjegjësinë direkte për atë investim.

Kjo nuk është hera e parë që Lulzim Basha kapet duke gënjyer dhe duke u krenuar me veprat e të tjerëve./CNA.al





Lajmet e fundit nga