E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

“Basha është i pabesueshëm”/ Meta: Në listat e PD ka kandidatë që kanë paguar para

11 Prill 2021, 11:42, Politikë CNA

Presidenti Ilir Meta, ky që del sot dhe bërtet për Kushtetutën, apo për varfërinë e shqiptarëve, ishte i njëjti që dikur ?kryqëzonte? kreun e PD-së, Lulzim Basha.

Sot hiqet sikur është në krah të tij, pasi ai çdo gjë e lidh me pushtet dhe karrige.

Ai duket, se ka llogaritur dy opsionet dhe në rast humbjeje për ta flakur Bashën apo dhe në rast fitorje, për të mos u ndarë nga pushteti.

Kjo e dyta duket si pak e vështirë, por shpresat e Metës, i cili herë pas herë shfaqet me kërcënime dhe paralajmërime, mbeten ende.

Kujtojmë se në vitin 2017, para zgjedhjeve të përgjithshme, Meta e quante Bashën politikan të pabesueshëm. Madje shkonte më tej duke thënë se në listat e PD ka kandidatë që kanë paguar para.

?Ky është dëshpërim, aq më tepër kur këtë gjë e thotë z. Basha. E aq më tepër kur kërcënon një politikan si z. Basha, që trembet edhe nga hija e vet. Ka demokratë që beson z. Basha?

Ka të rinj në Shqipëri që beson z. Basha? Çfarë ka? Po edhe vendet e deputetëve si janë vënë? E di ti? Shko në Vlorë se të tregojnë si janë vendosur njerëzit. LSI-ja nuk vendos kandidatë me lekë. Ky kujton se ia ka fajet LSI, që zgjohet në orën 11 apo në 12?, deklaronte Meta në një intervistë ne Channel One, në vitin 2017, ndërsa komentonte deklaratat e Bashës, në lidhje me LSI.

Sipas Metës, kreu i PD ?së, Lulzim Basha, ka mbaruar politikisht që kur firmosi marrëveshjen me kryeministrin Edi Rama.

?Ai bën si i fortë, sepse ka ndenjur 3 orë vetëm për vetëm me Edin. Nuk e di që aty ai ka mbaruar politikisht edhe moralisht. Para demokratëve dhe para gjithë shqiptarëve. Natyrisht, se Edi ia hedh atij. Atë nuk e llogarit fare, padyshim?, është shprehur ndër të tjera Meta.

Për Presidentin, Basha ishte një aksident që i kishte ndodhur Partisë Demokratike.

?Nuk ka asnjë lidhje jo vetëm me dimensionin e Berishës po absolutisht ai ishte një aksident i madh i Partisë Demokratike?, ka thënë Meta.

Kështu deklarohej Meta për kreun e opozitës Lulzim Basha, në vitin 2017, ndërsa sot në panik nga humbja dhe nga përballja me drejtësisë, inskenon herë pas here konflikte, aty ku i jepet mundësia./CNA.al