E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Dashamir Shehi heq paralelizëm mes Ramës dhe Berishës/ Tregon ndryshimin e tyre

10 Prill 2021, 17:53, Politikë CNA

Partitë politike e kanë përqëndruar vëmnedjen kryesisht tek sulmet ndaj kundërshtarëve dhe jo në paraqitjen e një programi konkret për qytetarët.

Partia Socialiste, është përqëndruar kryesisht tek dy fatkeqësitë e mëdha që i kanë ndodhur vendit, tërmetin dhe pandeminë dhe tek sulmet ndaj aleatëve të PD.

Kreu i LZHK Dashamir Shehi u ështëpërgjigjur këtyre akuzave, ku në një intervistë për CNA.al u shpreh se Rama është çmendur në mënyrën e tij, ndërsa shton se merret me kundërshtarët pasi nuk ka asnjë bilanc pozitiv gjatë këtyre viteve në qeveri.

Ndërsa ka hequr një paralelizëm mes Ramës dhe ish kryeministrit Berisha, Shehi tha se ky i fundit i mirë apo i keq në qeverisjen e tij ka bërë disa rrugë dhe tunele.

?Njerëzit çmenden thotë populli sipas mënyrës së vet. Ky është çmendur sipas mënyrës së tij. Kjo është kaq e turpshme. Pandemia nuk i ka rënë vetëm Shqipërisë, por gjithë botës dhe bota vazhdon punon, prodhon dhe shëron pandeminë, vetëm këtu merret nga mëngjesi deri në darkë kryeministri bashkë me një tufë nga ato që e shoqërojnë dhe presin një trastë vaksinash.

Një herë nga Turqia, një herë nga Arabia, një herë është kinezë, një herë është ruse dhe ne duam të hyjmë në Europë. Këtu idenë e pandemisë e kanë krijuar dhe trajtizuar kështu për të mbuluar paaftësinë e vet. Pandemia një vit ka, ky ka shtatë vjet në pushtet. Edhe tërmeti ishte një fatkeqësi për Shqipërinë, por të mos harrojmë që fal solidaritetit europian i ka fondet e mjaftueshme për tu rindërtuar, mirëpo nuk ka udhëheqësin e duhur sepse janë po ata hajdutë që kanë vjedhur edhe kur nuk binte tërmet.

Ky merret me kundërshtarët se nuk ka me çfarë merret, nuk ka se çfarë bilanci bën. Nëse do të kishte nja 2-3 rrugë për të treguar nuk do të merrej me këto prralla 3D. Ky ka hapur tunele me kompjuter nëpër male, ndërton aeroporte dhe porte. Por pas tetë vjetësh nuk ka asnjë gjë reale. Ai tjetri që ishte përpara i mirë apo i keq i hapi nja dy tunele në malet e Shqipërisë dhe i shtroi nja 200 km autostradë. Kur të bëjë edhe ky gjysmën e atyre imagjinoni se sa zhurmë do të bëjë?, tha Shehi për CNA.al.