E fundit!

17:50 Politikë

“Rama trajton turizmin si real estate”/ Këlliçi: Po u fal tokat e fermerëve biznesit të 5D

Deputeti i PD-së Belind Këlliçi ka hedhur akuza ndaj kryem...

Fakte dhe shifra/ Si i griu LSI votat nga PS dhe PD

3 Prill 2021, 11:25, Politikë CNA

LSI është forca politike, e cila lindi nga korrupsioni i pushtetit dhe u rrit me korrupsionin e pushteteve. Një forcë politike e dalë nga përplasja e Ilir Metës me Fatos Nanon në vitin 2004, për pushtet dhe para, sot është kthyer në kancerin e politikës shqiptare.

Faktet dhe shifrat flasin vetë sesi Ilir Meta, një i ri nga Skrapari, pa asnjë pasuri u bë miliarder dhe sot gëzon luksin e pushtetit të tij në qeverinë e PS si kryeministër, më pas në Qeveri me PD, dhe më tej me socialistët e Edi Ramës duke sjellë Rilindjen në pushtet.

Ilir Meta e filloi në 2005 me kandidatët e pavarur duke nxjerë socialistët në opozitë, më pas në 2009 ai futet në garë me koalicionin Aleanca socialiste për Integrim, ku LSI merr 73 mijë vota dhe total koalicioni merr 84 mijë vota dhe 4 mandate, ku vetë Ilir Meta zgjidhet deputet në Tiranë.

LSI futet në qeveri me Sali Berishën duke grryer pushtetin e ish-Kryeministrit që kishte filluar me reforma dhe zhvillim të fortë ekonomik. Merr më shumë se 20% të pushtetit dhe në 1 prill 2013 pas një darke të gjatë më ngjala shkon në shtratin e Edi Ramës.

Qeverisja 4 vjeçare me LSI do të ishte edhe gropa elektorale e demokratëve. Ilir Meta e çon LSI në vitin 2013, në 180 mijë vota dhe siguron nga formula elektorale 16 mandate, duke rritur numrin e tyre me 4 herë dhe votat më shumë se 2 herë.

Nga ana tjetër demokratët e Berishës shkuan 530 mijë vota një rënie gati 90 mijë vota e cila duket e reflektuar si rritje e LSI. Meta bëhet kryetar Kuvendi e më pas President me votat e Rilindjes. Në 2017 emëron Petrit Vasilin kryetar por fushatën e drejton vetë.

Në zgjedhjet e 4 viteve më parë, 2017 LSI rritet sërish dhe sërish në kurrizin e PD të cilët vazhdojnë tkurrjen e tyre me gati 230 mijë vota.

Meta siguron 225 mijë vota dhe 19 mandate një rritje që askush nuk e priste, por marrveshja Rama ? Basha e sakatoi kreun e Republikës së Re, i cili shkaktoi një katastrofë elektorale me lista klienteliste duke shitur mandate deputetësh.

Të treja rezultatet në tre palë zgjedhje tregojnë një fakt rritje të LSI. Në dy raste LSI ka qenë në pushtet, në 2013 ishte në qeverisje me PD dhe kishte lëshuar tentakulat e saj kudo, dhe në vitin 2017 shkonte në zgjedhje në pushtet me PS pasi kishte zgjeruar hapësirat e saj në pushtet me ministri apo punësime në administratë.

LSI në shtratin e saj normal të votave është tek rezultati i vitit 2009, ku ka 74 mijë vota, rritja tjetër është nga fakti se kjo forcë perseptohej si partia që bën shumicën dhe sjell një nga të mëdhatë në pushtet. Koha ka treguar këto fakte dhe rritjen e LSI në kurriz të PD kryesisht por edhe PS.

Të PD pasi kjo forcë në dy palë zgjedhjet e fundit ka njohur gati përgjysmim, ndërsa PS ka ruajtur stabilitet votash, ndërsa LSI është zgjeruar më tej në elektorat.

Por brenda LSI ka një trupë të majtë elektorale e cila u forma fillimisht si ekstrem i së majtës, si fyryrë komuniste e saj. Por më pas lëvizi më tej duke mos pasur profil politik të qartë por e kthjellët ishte vetëm fakti se LSI donte pushtet, punësime dhe para.

Detajet dhe shifrat e tre zgjedhjeve e tregojnë qartë se LSI është zgjerurar mbi kurrizin e dy partive kryesore duke gryer pushtetin e PD dhe PS, të cilave ju ka marrë edhe elektorat kryesisht interesash pushteti dhe punësishmesh që vijnë jo vetëm nga varfëria por edhe pazaret e biznesit dhe blerja e votës./CNA.al