web counter
LEXO PA REKLAMA!

SHKARKO APP

App Store
Google Play

E fundit!

x

Tetë vite në krye të qeverisë/ Rama kërkon mandatin e tretë në këmbim të ujit të pijshëm

18 Mars 2021, 11:10, Politikë CNA

Kryeministri Edi Rama ka prezantuar sot disa nga prioritete e qeverisë së tij në sektorin e energjisë.

Gjatë fjalës së tij, Rama u ndal tek furnimzimi me ujë të pijshëm ndërsa theksoi se furnizimi me ujë 24 orë në të gjithë territorin do të realizohet brenda mandatit të tretë.

“Ne kishim 12 orë ujë në ditë si mesatare. Në dhjetor të këtij vitit do të kemi 18 orë ujë në ditë dhe në mbyllje të mandatit të tretë 24 orë ujë në ditë. Nga një anë kemi rritur si asnjëherë më parë furnizimin me ujë në rang territori. Njëkohësisht nga ana tjetër ne kemi hyrë në një proces transformimi në disiplinimin e marrëdhënieve mes konsumatorit dhe këtij malli, jetik por mall sidoqoftë. Kemi mbuluar me matëse 81% të popullatës dhe në fund të mandatit të tretë shkojmë 96%. Pra thuajse dyfishi i popullatës që kishte një matës në vitin 2013. Sfida e ujit është një sfidë që po fitohet dhe këtu kam parasysh se është një sfidë krejt e ngjashme me të gjitha sfidat e tjera që po fitohen. Pra, që do të thotë se na duhet kohë akoma?, tha Rama.

Edhe pse ka qenë për tetë vite ne krye të qeverisë, Rama mesa duket nuk ka përmbushur as kërkesat thelbësore për jetesën e qytetarëve.
Mungesa e ujit të pijshëm thuajse në të gjithë Shqipërinë në shekullin e 21 është cilësuar një absurditet i madh. Madje me këtë premtim. tetë vite më para socialistët kërkuan mbështetjen për të qeverisur vendin.

Sërish, pas 8 vitesh në pushtet kryeministri Rama ka kërkuar një tjetër mandate duke premtuar 24 orë ujë të pijshëm./CNA.al





Lajmet e fundit nga