LEXO PA REKLAMA!

SHKARKO APP

E fundit!

x

Meta “kthjellohet”, harron dhunën ndaj policisë/ I sulet Ramës për gazetaren

13 Mars 2021, 17:20, Politikë CNA
Meta “kthjellohet”, harron dhunën ndaj policisë/ I sulet

Presidenti Ilir Meta ka reaguar pas publikimit të videos ku Kryeminstri Edi Rama, i kërkoi gazetarës që të vendoste maskën.

Meta shkruan i irrituar se dhuna është e paparanueshme nga një Kryeministër.

Ndërkohë që harron se vetë Presidenti i Rebublikës ishte ai që dje dhunoi, ofendoi dhe kërcënoi paturpësisht Policinë, dhe figurën e saj në sytë e gjithë botës. Por mesa duket Meta pasi mblodhi veten po kthen sytë nga kundërshtari i tij politik, për të larguar vëmendjen diku tjetër dhe për ti hedhur hi syve popullit.

?Dënoj me ashpërsi dhunën e papranueshme fizike të ushtruar sot nga Kryeministri ende në detyrë ndaj gazetares së nderuar të televizionit “Fax News”, znj.Edona Haklaj.

Përdorja e forcës mbi një reportere në krye të detyrës, mbi të gjitha një vajze të re, me pretekstin e mosmbajtjes së maskës antiCOVID, është e papranueshme për traditën shqiptare, moralin njerëzor, për çdo shoqëri demokratike dhe etikën institucionale, për më tepër kur akti i dhunës ushtrohet publikisht nga kryetari i Këshillit të Ministrave.

Ky sulm i dënueshëm, që vjen pak ditë pas linçimit publik të znj.Grida Duma, është vijim i revanshit të rrugaçërisë, dhunës, presionit, shantazhit e bullizmit konstant, që prej vitesh ushtrohet ndaj gazetarëve dhe mediave të pavarura në vend, por dhe ndaj femrave e grave shqiptare, që në të kaluarën e kanë denoncuar dhunën ndaj tyre të këtij individi.

Duke theksuar se liria e medias është kusht i pazëvendësueshëm për garantimin e të drejtave të njeriut në një shoqëri demokratike dhe çeljen e negociatave me Bashkimin Europian, u bëj thirrje shoqatave të gazetarëve brenda e jashtë vendit, si dhe atyre për mbrojtjen e të drejtave të grave, të reagojnë fuqimisht edhe ndaj këtij rasti të përsëritur.

Shpreh solidaritetin tim të plotë me gazetaren Edona Haklaj, televizionin “Fax News” dhe të gjithë kolegët e saj të pavarur e kurajozë, të cilët i inkurajoj për të vijuar pa u trembur, misionin fisnik të informimit publik.

Zero tolerancë për dhunën, kanosjet dhe kërcënimet ndaj medias duke përdorur si pretekst pandeminë?,shkruan Meta./CNA.al

Lajmet e fundit nga