E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Programi ekonomik i PD/ Basha flet për zotimet e tij

5 Shkurt 2021, 15:29, Politikë CNA

Kreu i Partisë Demokratike Lulzim Basha ka folur mbi programin ekonomik që ka prezantuar dhe zotimin se pas ardhjes së tij në pushtet rrogat minimale do të jenë 700 euro.

Në një intervistë për Tv Klan, Basha u shpreh se programi që ai prezantoi ka dy vjet që është hedhur për konsultim me grupe të caktuara të ekspertëve, duke shtuar se nuk ka asnjë premtim por do të ketë angazhime korrekte për të rikthyer vendin në parametra normal.

Sipas kreut demokrat, Rama në tetë vjet të qeverisjes së tij dështoi dhe nuk bëri as minimumin për të rritjen mesatare tët pagave.

?Ky program siç ju e dini dhe siç iu kam informuar për më shumë se 2 vjet, nuk është rezultat i një pune të shkurtër dhe një grupi të ngushtë njerëzish . Ne jemi konsultuar me qindra nga specialistët më të mirë të çdo fushe. Të shëndetësisë, arsimit, ekonomisë. Kemi marrë ekspertizën e tyre, kemi marrë ekspertizën perëndimore, të cilët na kanë ndihmuar për të parë problemet reale të vendit, por edhe zgjidhjet reale. Zgjidhje të cilat do të funksionojnë, jo premtime boshe të cilat nuk do të mbahen.

Ka qenë një proces jashtëzakonisht profesional, i gjatë, i vështirë, por ama angazhimet që përmban plani ynë i punës janë angazhime konkrete. Ky plan nuk ka asnjë premtim ka vetëm angazhime konkrete të cilat do të përmbushen sepse asnjë angazhim nuk qëndron në vetvete po është pjesë e zhvillimit ekonomik e klimës së biznesit që do të sjellë investime të huaja, do të hapë vende të reja pune, do ta rikthejë Shqipërinë në parametra normale të zhvillimit në të cilat Shqipëria nuk do të jetë siç është deri më sot, në çdo fushë, në veçanti në fushën ekonomike, e fundit në rajon por do të arrijë të konkurrojë denjësisht, së pari me vendet e rajonit dhe pastaj më tej dhe absolutisht kur ta konkurrojë me vendet e rajonit ekonomikisht gjë që këto tetë vite Rama ka dështuar ta bëjë do të konkurrojë edhe me paga dhe pagat që ju sapo cituat por edhe angazhimet e tjera që plani ynë parashikon janë të barabarta.

Pra pagat që ju cituat janë mesatarja e pagave të rajonit, nuk ka asnjë premtim për mrekulli plani ynë, po ka normalitet, angazhim për normalitet i cili do të arrihet pikërisht duke mundësuar që edhe Shqipëria të ketë të njëjtat ritme të zhvillimit ekonomik si të gjithë vendet e tjera fqinje dhe pse jo në të ardhmen edhe më mirë?, tha Basha./CNA.al