web counter
LEXO PA REKLAMA!

SHKARKO APP

App Store
Google Play

“Nuk skuqen dhe as nuk zverdhen”/ Patozi: Ka ardhur koha të ndëshkohen pazarxhinjtë e sprovuar

5 Shkurt 2021, 11:11, Politikë CNA

Koordinatori i Bindjes Demokratike, Astrit Patozi thotë se ka ardhur koha për të ndëshkuar Ramën, Bashën dhe Metën.

Sipas Patozit, ata nuk skuqen fare dhe as nuk zverdhen, kur dikush i përmend thënie apo premtime të vjetra. Ai thekson se ?ka ardhur koha që këta pazarxhinj të sprovuar votash dhe mashtrues të faktuar përsëritës të ndëshkohen politikisht?

?KA ARDHUR KOHA TË NDËSHKOHEN
Për ta nuk ka asnjë rëndësi koherenca në politikë. Ndaj nuk skuqen fare dhe as nuk zverdhen, kur dikush i përmend thënie apo premtime të vjetra, madje edhe nga ato të dy muajve të fundit, të cilat i kanë gëlltitur mbrapsht.
Sepse mendojnë që, jo vetëm militantët e tyre, por edhe qytetarët shqiptarë në përgjithësi, janë një tufë dhensh, që vihen gjithmonë në rresht, ngaqë nuk kanë mundësi tjetër veç tyre për të zgjedhur. Ndaj edhe përgatituni të bombardoheni deri më 25 prill me shpërthimet e tyre më spektakolare si dhe me akuzat më monstruoze për njëri-tjetrin ndër vite. Është një histori që përsëritet deri në lodhje prej dekadash. Ndërsa për ne ka shumë rëndësi t?i qëndrojmë asaj që themi dhe asaj që besojmë, duke mbajtur përgjegjësi për çdo ditë të jetës sonë politike. Jo thjesht se i vlerësojmë maksimalisht njerëzit, të cilëve u drejtohemi, por edhe se kemi më shumë respekt për veten. Ka ardhur koha, madje jemi vonë, që këta pazarxhinj të sprovuar votash dhe mashtrues të faktuar përsëritës të ndëshkohen politikisht. Ndaj voto Bindjen dhe jo thjesht partinë tënde më 25 prill?, shkruan Patozi./CNA.al





Lajmet e fundit nga