web counter
LEXO PA REKLAMA!

SHKARKO APP

App Store
Google Play

E fundit!

x

Nano shkatërron audiencën

5 Shkurt 2021, 10:42, Politikë CNA

Pas më shumë se 12 vitesh, dalja në një media publike Fatos Nano është rikthyer dje në ekranin e televizionit Klan në Opinion. Me stilin e tij, me ironinë por edhe me të vërteta, diku të ditura dhe diku jo, Fatos Nano për dy orë shkatërroi audiencën televizive, mori vëmendjen e të gjithë shqiptarëve. Mirë apo keq, kjo shikohet në Shqipëri sipas tifozërive të palëve politike. Ajo që ra në sy ishte se në rrjet shpërthyen sulmet, akuzat, të vërtetat dhe të pavërtetat ndaj Fatos Nanos.

Nga ana tjetër, turma e njerëzve që sot janë me Ilir Metën dhe dje i vërtiteshin nga pas Nanos, i cili mbante si tespie në dorë, filluan ta sulmojnë, përfshirë këtu gazetarë, analistë, ish zyrtarucë të djeshëm të tij, por e gjitha kjo tregoi se Nano dje sërish ka goditur, pritshmëritë ndaj tij ishin maksimale, audienca ka qenë maksimale dhe sipas të dhënave të siguruara nga një kompani private monitorimi, audienca e TV Klan ka arritur në një kulm historik të saj dhe emisionet e tjera televizive thuajse nuk ekzistonin fare.

Dhe portalet raportonin Fatos Nanon vazhdimësisht dhe mediat e tjera thuajse humbën dje, nuk ekziston. Sipas të dhënave të kompanisë private, përqindja e audiencës shkonte rreth 92%, pra në masë shqiptarët ndiqnin Fatos Nanon, çka tregon se jo vetëm pritshmëritë ndaj tij, por edhe mungesa për një kohë të gjatë kishin bërë që audienca të rritej në nivele të frikshme.

Mesa duket edhe pse ka 16 vjet që ka dalë nga politika me jo pak elegancë dhe qëndron i heshtur, herë pas here shfaqet, thotë disa të vërteta, por edhe bën goditjet e tij.

Dje i ashpër ka qenë me Berishën, i ashpër ka qenë edhe me Metën. Sërish ka marrë rolin e liderit të socialistëve, që në fakt ka ngelur i tillë në këto vite dhe mesa duket tashmë po i bën një shërbim tjetër partisë së tij në pushtet, duke mos lejuar që segmente brenda së majtës ta rrëzojnë PS nga pushteti ashtu siç e rrëzuan në 2005.

Gjithsesi Nano ishte njeriu që dje u ndoq në media, me një audiencë maksimale dhe tregoi se gjithmonë ngelet një lider politik i padiskutueshëm në skenën politike shqiptare./CNA.al





Lajmet e fundit nga