Zgjedhja e kandidatëve në Institucionet e Rivlerësimit/ Ish prokurori tregon ndërhyrjet për emërimet

23 Janar 2021, 12:40, Politikë CNA

Ish prokurori i Krimeve të Rënda, Besnik Muci pretendon se anëtarët e KPA , u zgjodhën politikisht në postet e vettingut, duke paraqitur prova dhe fakte të tejkalimit të procedurave dhe kritereve për të qenë pjesë e këtyre intitucioneve.

Sipas tij ?në pikën 6 të nenit C të Aneksit të Kushtetutës listat me aplikantët që plotësonin kriteret formale për secilin pozicion dhe ata që nuk i plotësonin, i’u dërguan ONM – së. Kjo e fundit kishte detyrimin të verifikonte dhe vlerësonte kandidatët sipas kritereve dhe të bënte rekomandimet për Kuvendin.

Avokati i Popullit dhe ONM-ja i dërguan Kuvendit dy lista, njëra me kandiatë që plotësonin kriteret dhe tjetra me kandidatë që nuk plotësonin kriteret.

Kuvendi ngriti një Komision me 6 pjesëtarë deputetë, që shqyrtoi listat. Por sipas nenit C((88)) e Aneksit të Kushtetutës 9 një Komision me pesë vota mund të bënte kalimin e kadidatëve nga lista e atyre që nuk i plotësojnë kriteret, sipas ONM – së, në listën e atyre që i plotësojnë apo te lista e kandidatëve për votim. Më pas Kuvendi procedoi me zgjedhjen e anëtarëve të Institucioneve të rivlerësimit.

Kush janë gjyqtarët që shkelën rregullat e lojës?

Me shkresën nr. 32 datë 17.02.2017 drejtuar ONM- së, Avokati i Populli konstatoi se nga shqyrtimi i kujdesshëm i dosjeve të aplikantëve që kanë shprehur interes për të qenë pjesë e institucioneve të rivlerësimit i plotësonin kriteret formale të parashikuara nga neni 6 i Ligjit 84//22016, 29 kandidatë dhe nuk i plotësonin kriteret 163 kandidatë. Aplikantët Ardian Hajdari, Rezarta Schuetz dhe Natasha Mulaj ndodheshin në listën e kandidatëve që nuk plotësonin kriteret dhe konkretisht nuk plotësonin kriterin e vjetërsisë.

Në datën 03.03.2017 znj. Genoveva Ruiz Calavera,, Kryetare e Bordit Drejtues të ONM-së, i ridërgoi Avokatit të Popullit listat e kandidatëve së bashku me vlerësimet dhe rekomandimet e vëzhguesve të ONM-së për secilin kandidat. Edhe këtu aplikantët Ardian Hajdari, Rezarta Schuetz dhe Natasha Mulaj rezultojnë në listën e kandidatëve që nuk plotësonin kriteret dhe konkretisht nuk plotësonin kriterin e vjetërsisë.

Pas këtij momenti Kuvendi,duke mos marrë në konsideratë vlerësimet e Avokatit të Popullit dhe ONM- së, nxjerr Vendimin nr. 14 datë 06.03.2017 ?Për kthimin e dosjeve të kandidatëve që kanë shprehur interesin për të kandiduar për institucionet e rivlerësimit tek Avokati i Popullit për riplotësim të dokumentave dhe rihapjen e thirrjes për paraqitjen e shprehjes së interesit nga aplikantë të rinj për pozicionet e të gjithë anëtarëve të institucioneve të rivlerësimit? .

Me këtë veprim Kuvendi ka ndërhyrë drejpërdrejt në kompetencat që Kushtetuta i njeh.

Rezulton që 4 nga 7 anëtarët aktualë të KPA-së nuk i kanë plotësuar kriteret sipas Avokatit të Popullit dhe ONM-së.
Ky veprim është kryer për të kontrolluar këtë proces duke detyruar Avokatin e Popullit që të dërgojë në Kuvend listat me emra që ai dëshironte dhe që do i bindeshin politikisht Kuvendit.

Ish-Sekretarja e Përgjithshme, anëtarja aktuale e KPA-së, Albana Shtylla me shkresën nr. 811//66 datë 10.03.2017 i dërgon për zbatim Avokatit të Popullit. Vendimin e Kuvendit nr. 14 datë 06.03.2017 së bashku me dosjet e aplikantëve . Por, duke qenë se procedura e marrjes së aplikimeve, verifikimit të kritereve dhe dërgimit të dosjeve të aplikantëve në Kuvend ishte parashikuar në detaje në Kushtetutë, Avokati i Popullit nuk i ka pranuar këto dosje.

Avokati i Popullit së bashku me dy vëzhguesit e ONM-së, Theo Jacobs dhe Peter Ainsëoth në datën 28.03.2017 hartojnë dhe një protokoll të ri për rivlerësimin e kandidatëve, tashmë të vlerësuar një herë, duke u dhënë mundësinë atyre që pas paraqitjes të dokumentave të kalojnë në listën e atyre që plotësojnë kriteret formale./CNA.al

Kërkesë padia