web counter
LEXO PA REKLAMA!

SHKARKO APP

App Store
Google Play

E fundit!

x

Beteja me drejtësinë/ Gjykata e Lartë kalon për gjykim dosjen e Saimir Tahirit

22 Janar 2021, 19:12, Politikë CNA

Gjykata e Lartë ka kaluar sot për gjykim dosjen e ish-ministrit të Brendshëm Saimir Tahirit.

Mësohet se dhoma e këshillimit ka marrë vendim që të gjykohet dosja në ngarkim të ish-ministrit të Brendshëm dhe ish-drejtuesit të policisë së Vlorës, Jaeld Çela.

Por ende nuk dihet se kur do të nisë procesi i gjykimit, duke qenë se çështja në fjalë kërkon 5 gjyqtarë për t?u shqyrtuar dhe Gjykata e Lartë funksionon me vetëm 3 gjyqtarë.

Kjo dosje u regjistrua nga Gjykata e Lartë në shtator të 2020-ës. Tahiri dhe Çela kanë kërkuar të prishet vendimin e Apelit dhe të pushohet çështja ndaj tyre.

Rekursi i Tahirit dhe Çelës në Gjykatën e Lartë erdhi në ditën e fundit të afatit 45 ditor të parashikuar në ligj për kundërshtim të vendimeve të Apelit. Pas vendimit të Apelit, dosja pritej të shkonte për rigjykim nga zero në Shkallën e Parë.

Kujtojmë se kjo çështje nisi në nëntor 2017, kur Tahiri u dyshua si garantor i grupit të ?Habilajve? në trafikun e drogës./ CNA.al





Lajmet e fundit nga