Kontrabandë nga aeroporti i Rinasit/ Arrestohen nëntë persona, mes tyre katër doganierë

21 Janar 2021, 07:11, Kronika CNA

Nëntë persona janë arrestuar në Rinas, pasi dyshohen për futje të mallrave kontrabandë në vendin tonë.

Seksioni për Krimin Ekonomik Financiar në bashkëpunim me Drejtorin Hetimore Qëndrore në Drejtorinë e Përgjithshme të Policisë së Shtetit, në kuadër te operacionit ?Rinas Ekspres? u bë e mundur arrestimi në flagrancë i shtetasve: Byordi Kasmit; Alkida Lazrit; Qani Lazrit, i dënuar më parë për kontrabandë më mallra që i nënshtrohen regjimit doganor; Lonora Legisit; dhe Altin Legisit.

Gjithashtu në kuadër të këtij operacioni u arrestuan doganierët: Baftjar Kazias, me detyrë Shef Sektori në Sektorin Operacional terminal Rinas; Theodhor Naçi, me detyre doganier në aeroportin e Rinasit me detyrën kontroll në skaner pranë kontrollit fizik; Muhamet Liçaj, me detyrën e vëzhguesit si doganier i fizikut; Edlira Saliaj, me detyrën e vëzhguesit si doganier i fizikut.

Personat e sipërpërmendur me numrat respektivë nga 1 në 5, janë kapur dje në flagrancë në rrugën Rinas-Kashar me një sasi mallrash konfeksione pasi kishin kaluar regjimin doganor të pikës kufitare Rinas, duke shmangur dhe mosdeklaruar tërësisht detyrimet doganore.Në cilesinë e provave material shtetasve të dyshuar të arrestuar u janë sekuestruar:

1. Tre automjete që kanë shërbyer për transportin e ketyre mallrave të dyshuar kontrabandë pas daljes nga dogana:
2. 90 pallto të markave të ndryshme
3. 100 xhupa të markave të ndryshme
4. 70 triko (bluza) të markave të ndryshme
5. 60 kostume sportive të markave të ndryshme
6. 30 palë kepucë të markave të ndryshme
7. 50 fustane të markave të ndryshme
8. 20 cope canta të markave të ndryshme
9. 50 bluza të markave të ndryshme
10. 15 aparate celularë të markave të ndryshme

Materialet i kaluan Prokurorisë së Rrethit Gjyqësor Tiranë për veprat penale ?Kontrabande me mallra të tjera» Tregtim dhe transportim i mallrave qe janë kontrabande? ?Fshehjes te ardhurave? , vepra këto të kryera në bashkëpunim të parashikuara nga nenet 174/2 178/2 dhe 180 të Kodit Penal.

Ndërsa për punonjësit e doganës për veprat enale të parashikuara nga nenet 175 dhe 248 të K.Penal./CNA.al