web counter
LEXO PA REKLAMA!

SHKARKO APP

App Store
Google Play

Para largimit nga detyra, Trump fal ish-këshilltari Steve Bannon dhe dhjetëra të dënuar

20 Janar 2021, 07:35, Kosova & Bota CNA

Presidenti në ikje i SHBA, Donald Trump ka falur ish-këshilltarin e tij, Steve Bannon, në kuadër të valës së fundit të faljeve dhe ndryshimeve të dënimeve, pak para se të largohet nga zyra e presidentit.

Trump ka bërë 143 falje dhe ndryshime dënimesh për një numër të madh individësh, përfshirë një ish-mbledhës të fondeve, republikan, një reper dhe një ish-kryetar qyteti.

?Presidenti Donald Trump ka siguruar falje për 73 individë dhe ndryshime të dënimeve për 70 individë tjerë?, ka thënë administrata e tij përmes një deklarate.

Fati i Bannonit, një këshilltar me ndikim te Trumpi, i cili i ka ndihmuar të menaxhojë fushatën presidenciale të vitit 2016, është parë me shumë vëmendje.Ai është përballur me akuza federale për mashtrim të njerëzve, teksa ka mbledhur fonde për ndërtim të murit në mes të Shteteve të Bashkuara dhe Meksikës. Ai ka thënë se nuk është fajtor për akuzat që rëndojnë mbi të.

Trump pritet të largohet nga Uashingtoni më 20 janar në mëngjes dhe të niset drejt klubit të tij Mar-a-Lago në Florida./CNA.al





Lajmet e fundit nga