E fundit!

08:16 Ekonomi

Vera turistike në Golem po humbet shkëlqimin

Në Golem dhe Durrës, sezoni duket dinamik: autobusë me gru...

Olsi Rama jep lajmin e madh: E prisja këtë Partizan, më 1 janar fillojmë merkaton...

28 Dhjetor 2020, 08:42, Sport CNA

Olsi Rama ka kohë që e pret një Partizan të luajë në këtë mënyrë si ndaj Kukësit, edhe pse ende nuk e sheh në nivelet që skuadra ka mundësi të shkojë. Në prononcimin e dhënë për mediat pas ndeshjes, drejtori i përgjithshëm i të kuqve e konsideroi këtë fitore si një dhuratë post-Krishtlindjeve, ndërsa e pret një dhuratë të tillë për Vit të Ri edhe në Laç.

Tri pikë ndaj një kundërshtari si Kukësi me një fitore bindëse. E prisnit?

Unë kam kohë që e pres një Partizan të luajë kështu, madje mendoj se akoma nuk jemi shprehur as sot (dje) në nivelet që ne kemi mundësi të shprehemi. Megjithatë, është një dhuratë e bukur pas Krishtlindjes, edhe për djemtë që gjetën kënaqësinë e një fitoreje me katër gola, edhe për të gjithë tifozët e Partizanit që e meritojnë një kënaqësi të tillë para mbylljes së vitit.

Me problemet e merkatos, mendoni se jeni brenda pritshmërive?

Pritshmëritë e mia kanë të bëjnë me lojën e ekipit dhe mendoj se stafi ka punuar ashtu siç duhet për t?i bindur lojtarët për një stil të caktuar loje, të zbatojnë detyrat dhe të jenë konsekuentë në zbatimin e tyre dhe të bëjnë një lojë sa më të rrjedhshme. Akoma nuk jemi aty ku duhet.

Çfarë po bëhet për zhbllokimin e merkatos?

Në kemi bërë maksimumin, presim vetëm përgjigjen e gjyqtarit të KAS-it, shpresojmë të vijë para fundit të vitit, në mënyrë që të kemi menjëherë mundësi që nga 1 janari të bëjmë ato hyrjet në ekip që besoj se do të përforcohemi edhe me shumë.

Ndaj Kukësit ishte një dhuratë për Krishtlindje, për Vit të Ri prisni një dhuratë nga ndeshja me Laçin?

Gjithnjë pres që djemtë të futen në fushë, të japin maksimumin, të gjejnë atë kënaqësinë që i jep të qenurit profesionistë. Kanë një fat shumë të madh, janë shumë të aftë në këtë profesion, kanë pasionin e tyre dhe nëse do arrijnë ta bëjnë këtë jam i sigurt që në Laç do të marrin një rezultat pozitiv.

Situata me Dajën, mungesa e tij e vazhdueshme?

Daja i ka sqaruar vetë problemet që ka pasur, në asnjë moment nuk dëshiron që të vijë dhe të krijojë ndonjë situatë në ekip, edhe pse nuk ka COVID sepse ka dalë negativ. Por, edhe po të kishte, pas kaq ditësh nuk do të ishte më transmetues, por vazhdon të ketë besim te stafi dhe djemtë. Jemi në komunikim të vazhdueshëm, asgjë nuk bëhet pa këshillat dhe udhëzimet e tij. Në njëfarë mënyrë ka qenë gjithnjë pranë ekipit dhe shpresojmë të vijë edhe fizikisht se është një ndihmë. Janë disa fitore që besoj se ai e meriton për gjithë punën që ka bërë.