web counter
LEXO PA REKLAMA!

SHKARKO APP

App Store
Google Play

Protestat e dhunshmë për vrasjen e 25 vjeçarit/ Ngjela tregon kush fshihet pas tyre

11 Dhjetor 2020, 14:14, Aktualitet CNA

Protesta e organizuar prej dy ditësh për vrasjen e 25 vjeçarit Klodian Rasha dhe shkatërrimi i institucioneve shtetërore dhe sinjalistikave ka sjellë reagimin e avokatit Spartak Ngjela.

Përmes një postimi në rrjetin social, Ngjela akuzon opozitën jashtëparlamentare si përgjegjëse për dhunën e ushtruar dhe kaosin, duke shtuar se ata janë të friksuar nga reformma në drejtësi.

Sipas avokatit, ata që nuk zbatojnë ligjin, policia është e detyruar të ushtrojë forcë.

?Sot në Shqipëri nuk ka shtet që të jetë me shqiptarët. Të gjithë të korruptuarit e mëdhenj janë me alabakët që thyejnë qytetin, se, ata që po i paguajnë duan destabilizim të gjendjes në Shqipëri.

Si mund të lejojë policia njëqind alabakë të Saliut, ardhur nga skutat primitive të Shqipërisë, të thyejnë dhe plaçkitin Tiranën?

Gjithë policia e shtetit duhet të vijë këtu dhe t’iu tregojë vendin vandalëve. Policia, kundrejt dhunuesve të ligjit, është forcë,  nuk është përkëdhelje.

Nëse policia  nuk vjen në Tiranë me mjete, atëherë kuptohet se nuk e lë kryeministri.

Nëse nuk e lë kryeministri,  kryeministri është me ta, se ka frikë nga reforma antikorrupsion.

Asnjë nga këta të korruptuar nuk është me shqiptarët. Pasi i vodhën shqiptarët dhe u kapën në vjedhje, tani duan të shkallmojnë Shqipërinë, që të shpëtojnë gjënë e vjedhur. Me një grup alabakësh primitivë, shumica kalamaj, të paguar nga korrupsioni i lartë.

Po Uashingtoni, a do t’i kërcënojë?

Duhet t’i kërcënojë rreptë që të tre: Ramën, Berishën dhe Bashën. Që të tre janë pas vandalëve?, shkruan Ngjela./CNA.al





Lajmet e fundit nga