web counter
LEXO PA REKLAMA!

SHKARKO APP

E fundit!

x

“Ikën tropojanët erdhën tepelensit”/ Bledi Mane shtron 7 pika për reformimin e Policisë së Shtetit

11 Dhjetor 2020, 09:41, Aktualitet CNA

Gazetari Bledi Mane ka akuzuar Policinë e Shtetit se ende vijon të mbetet peng e politikës, krushqive dhe krahinizmave.

Përmes një postimi në rrjetin social, Mane shkruan se gjatë kohës së qeverisjes së Edi Ramës janë bërë pjesë e policisë tepelensit, duke shtuar edhe disa pika që duhen për reformimin e uniformave blu.

Sipas tij, duhet në krye të ministrisë së Brendshmë një femër, si dhe ka kërkuar dorëheqjen e drejtorit të përgjithshëm Ardi Veliu dhe atij të policisë së Tiranës Rebani Jaupaj.

“IKËN TROPOJANËT, ERDHËN TEPELENASIT…

Policia shqiptare ka mbetur peng i politikës, tarafeve, krushqive, qokave dhe krahinizmit. Policia shqiptare ka 30 vjet që qarkullon në qerthullin e titullit të këtij postimi. ??

Erdhi koha e artë dhe e zjarrtë që policia të zhveshë rrobat e gjakosura të mëkateve të disa prej plangprishësve të saj e të veshë uniformën e ligjit. Ndaj mos përto por mbaj shënim or trim:

1-Ministre femër për rendin

2-Dorëheqje të drejtorit të përgjithshëm të policisë Ardi Veliu

3-Dorëheqje të drejtorit të policisë së Tiranës Rebani Jaupaj

4-Reformim total në filozofinë e rekrutimit të forcave policore

5-Mbani larg policisë politikën dhe krahinizmin

6-Çngurtësoni raportet polici-komunitet

7-Teste të shpeshta psikoanalitike për puninjësit e frontit ballor në polici”, shkruan Mane./CNA.al





Lajmet e fundit nga