web counter
LEXO PA REKLAMA!

SHKARKO APP

App Store
Google Play

E fundit!

x

Rama paralajmëroi protestuesit/ Aurel Plasari i përgjigjet me një foto: Halabakë iu dukën edhe Çausheskut, por u pa fundi i tij

11 Dhjetor 2020, 12:25, Aktualitet CNA

Vrasja e 25 vjeçarit Klodian Rasha nga efektivi i forcave ?Shqiponja? ka sjellë një reagim të forte tek qytetarët, të cilët prej dy ditësh kanë dalë në protesta të dhunshme.

Pas reagimit qytetar, Sandër Lleshaj dha dorëheqjen nga posti i ministrit të Brendshëm, por tashmë kërkohet edhe dorëheqja e drejtorit të përgjithshëm të Policisë së Shtetit Ardi Veliu.

Por vetë shefi i qeverisë e tha të prerë se një gjë e tillë nuk ka për të ndodhur.

Lidhur me qëndrimin e kreut të qeverisë, ka reaguar edhe studiuesi Aurel Plasari duke sjellë një shembull nga Rumania e vitit 1989. Sipas tij, edhe diktatori Çaushesku i quante ?halabakë? protestuesit, por fundi i tij dihet tashmë.

Postimi i plotë:

?HALABAKË? IU DUKËN EDHE SHOKUT CEAU?ESCU

Por ja si e gdhendi kujtimin e tyre zonja e madhe poetja Ana Blandiana:

?Kjo që po jetojmë sot dhe ajo që do të jetojmë në vjetët e në dhjetëvjetëshat e ardhshëm do të jetë vepra e atyre fëmijëve të pjellë prej nënash të dëshpëruara ngaqë qenë të detyruara t?i nxirrnin në botë, të rritur në heshtje, në frikë, në të ftohtë e në uri, të ushqyer prej prindërish të terrorizuar që u trembeshin ditë e natë denoncimeve, të kapitur pas orëve të kaluara nëpër radhët e pafundta, të edukuar prej mësuesish të poshtëruar e të detyruar të mos i thoshin ato që mendonin, fëmijë të cilët i mësonin të mos e ngrinin zërin, ta ulnin radion, ta mbulonin me pëllëmbë dorezën e telefonit, t?i shmangeshin shoku-shokut, të mos i hapeshin askujt, të mos i besonin asnjeriu.

Ngjarjet që po jetojmë sot janë vepra e atyre fëmijëve të dënuar me jetë e me vetmi, dhe që, me një përçmim të pamatë për jetën që u qe dhënë pa dashje, e flakën atë mbi banakun e pamëshirshëm të historisë duke paguar me të çmimin e solidaritetit, të dashurisë, të besimit e të shpresës dhe na bënë të gjithëve të rilindim në këto Krishtlindje të përgjakta e sublime.

E ruajttë të pacenuar, kjo kryqëzatë e mrekullueshme e fëmijëve të Rumanisë, lirinë e blerë kaq shtrenjtë dhe e shpëntë përpara nëpër vite, po kaq të pastër e përvëluese, deri në pjekjen e plotë të demokracisë së paprapsueshme?./CNA.al





Lajmet e fundit nga