web counter
LEXO PA REKLAMA!

SHKARKO APP

E fundit!

x

Filmoi policët që rrihnin të miturit/ Shoqërohet me dhunë kryeredaktori i gazetës së Nikollë Lesit

11 Dhjetor 2020, 21:11, Aktualitet CNA

Protesta e qytetarëve të revoltuar nga vrasja e Klodjan Rashës është përqendruar për më shumë se një orë në zonën e ish-Bllokut.

Policia i ka ndjekur protestuesit këmba dorës dhe gjatë gjithë kohës është munduar t?i shpërndajë ata me gaz lotsjellës dhe me ujë.

Gjithashtu raportohet se blutë kanë bërë shoqërime të shumta dhe efektivëve të policisë nuk i ka shpëtuar as kryeredaktori i gazetës Koha Jonë, Qamil Xhani.

Lajmi është bërë i ditur nga vetë gazeta e Nikollë Lesit, e cila shkruan se Xhani kishte ndërhyrë për të filmuar dy minorenë që po dhunoheshin nga policia para derës së redaksisë.

Sipas tyre, forcat speciale kanë prangosur menjëherë kryeredaktorin, ndonëse ky i fundit i ka shpjeguar se është gazetar dhe i kanë fshirë nga telefoni pamjet kur po dhunoheshin të miturit.

Koha Jonë raporton se Xhani është marrë me dhunë, ndërsa Nikollë Lesi ka telefonuar drejtorin e Policisë së Shtetit Ardi Veliu dhe i ka kërkuar llogari për sjelljen e vartësve të tij./ CNA.al





Lajmet e fundit nga