web counter
LEXO PA REKLAMA!

SHKARKO APP

App Store
Google Play

Nga vrasja e dyfishtë te zhdukja e Ermal Ngucajt dhe Klevis Lleshit/ Hoxha tregon lidhjet me drogën

6 Nëntor 2020, 17:57, Kronika CNA

Gazetari investigativ Artan Hoxha, ka folur sot për vrasjet e bujshme dhe zhdukjet për shkak të konflikteve për parcelat me drogë.

Hoxha u ndal te vrasja e dyfishtë në Malësinë e Madhe të Vilson Çutajt dhe Klement Pepajt, ku tha se sasia e drogës që u bë mollë sherri ka qenë rreth 7-8 kilogramë.

?Autori ende nuk është kapur. Deri tani rezulton që sasia e kanabisit ishte shumë e vogël, diku nga 7 deri në 8 kg kanabis. Në rastin konkret autori e kishte ndarë mendjen që t?i çonte viktimat te vendi. Një nga viktimat e ka një plumb në kokë. Nuk ka bërë përpjekje për të zhdukur kufomat?, u shpreh ai në Abc News.

Gazetari kujtoi edhe zhdukjen e Ermal Ngucajt në Vlorë që prej 12 tetorit dhe zbuloi se ky i fundit herën e fundit që është parë, ka qenë duke shkuar te parcelat me kanabis.

?Është një ngjarje tjetër që ka ndodhur në Vlorë, në fshatin Lepenicë, ku u zhduk një 40-vjeçar. Bëhet fjalë për një ngjarje që vazhdon të jetë pa autor. Ai është zhdukur kur ka qenë duke shkuar te parcelat me kanabis. Fillimisht u tha për një konflikt për guroren, bëhet fjalë për një ngjarje e cila vijon që të jetë pa autor.

Personi është zhdukur ndërsa ka qenë duke shkuar te parcelat me kanabis. Nga ai moment edhe sot nuk e dimë vendndodhjen e tij. Kjo është një ngjarje që në momentin e parë pati një interes të shtuar të mediat. Bëhet fjalë për Ermal Ngucajn. Sot nuk dihet ku është kufoma?, tha Hoxha.

Ndërkohë, për zhdukjen që nga 5 gushti të 21-vjeçarit Klevis Lleshi, ai deklaroi: ?Edhe pse 3 muaj mbrapa, nuk ka asnjë të dhënë çfarë ka ndodhur. Ai është rrëmbyer mes të Burrelit, kur ishte në kërkim nga policia. Në Burrel kemi dy raste, dy të zhdukur dhe me 16 të zhdukurit e Vlorës kufomat e të cilëve nuk u gjetën kurrë?./ CNA.al





Lajmet e fundit nga