web counter
LEXO PA REKLAMA!

SHKARKO APP

App Store
Google Play

E fundit!

x

“Zoti e bekoftë Shqipërinë”/ Mike Pompeo: Është nder për tolerancën që ka, i ofroi strehë hebrenjve

28 Tetor 2020, 16:30, Politikë CNA

Sekretari i Shtetit për SHBA-në Mike Pompeo, ka folur me superlative për Shqipërinë dhe shqiptarët në Forumin e Ballkanit Kundër Anti-Semitizmit

Pompeo tha se Shqipëria ishte vendi i dytë që ndihmoi hebrenjtë për t’i shpëtuar nazizmit dhe i ofroi strehë.

Ai theksoi se është nder për Shqipërinë për tolerancën që ka, ndërsa kërkoi që të ngrihet zëri kundër antisemitizmit.

“Pas luftës së dytë dhe holokaustit Shqipëria ishte vendi i dytë që ndihmoi dhe për hebrenjtë për t’i shpëtuar nazizmit dhe ju ofruat strehë. Atyre iu dha edhe dokumente false që të mbijetonin. Në fund të luftës ka pasur më shumë hebrenj që jetonin në Shqipëri se përpara luftës. Është nder për Shqipërinë dhe për tolerancën e saj, ashtu si ky Kuvend që bashkon përpjekjet për të luftuar anti semitizmin. Nuk jam këtu për të kujtuar historinë, por për të ngritur zërin kundër antisemitizmit, pasi kemi përgjegjësinë për të ngritur zërin.

Së pari, duhet ta gjejmë këtë kërcënim dhe më pas ta luftojmë. Është e rëndësishme që të përkufizohet, pra të bëhet përkufizimi i anti semitizmit, që të ketë një fushë të barabartë për të gjitha shtetet. Kemi parë një përhapje të antisemitizmin dhe kjo është shqetësuese. Në vendet me shumicë myslimane duhet të flasim për që ata të flasin në emër të tolerancës dhe në emër të Abrahamit. Le të garantojmë sigurinë e çdo personi që të gjithë të luftojmë krah për krah. Zoti e bekoftë Shqipërinë dhe shqiptarët“, tha Pomeo./ CNA.al





Lajmet e fundit nga