web counter
LEXO PA REKLAMA!

SHKARKO APP

App Store
Google Play

Bojkoti/ Ndizet drita jeshile, klubet dhe qeveria do ulen për bisedime

15 Tetor 2020, 14:31, Sport CNA

Ditën e sotme në orën 17:00, përfaqësuesit e Ligës Profesioniste të Futbollit kanë takim në Ministrinë e Financave për të diskutuar në lidhje me kërkesat qe i janë adresuar qeverisë për ndryshimet ligjore.

Do të jetë një diskutim ku do flitet për të ardhmen e kampionatit shqiptar, i cili prej më shumë se një muaji vazhdon bojkotin, me klubet që duan plotësimin e 4 kërkesave.

Pas takimit do të mësohet nëse palët do të arrijnë një marrëveshje për fillimin e kampionatit, apo bojkoti do të vazhdojë.

Nëse gjithçka do të shkonte sipas parashikimeve, duke nisur kampionati më 12 shtator, tashmë do të ishin ezauruar plot 5 javë nga Kategoria Superiore.

Dhe pas ndeshjes të Kombëtares më 14 tetor ndaj Lituanisë, do të ishin ditë të zjarrta në pritje të derbit të kryeqytetit, Tirana-Partizani, i parashikuar për më 17 tetor në kuadër të javës së 6-të.

Tashmë në mungesë të një akordi me qeverinë për 4 kërkesat e famshme, mungon edhe zgjidhja.

Skuadrat vazhdojnë të stërviten dhe mund ta themi me siguri që kjo është faza përgatitore më e stërgjatë që kanë zhvilluar ndonjëherë. E megjithatë, për të mbushur boshllëkun e shtyrjeve të vazhdueshme, janë ngushëlluar disi me miqësoret.





Lajmet e fundit nga