web counter
LEXO PA REKLAMA!

SHKARKO APP

App Store
Google Play

E fundit!

x

Ambasada e SHBA: Ndryshimet në Kodin Zgjedhor nuk janë shkelje/ Mazhoranca dështoi të gjente konsensus

5 Tetor 2020, 15:43, Politikë CNA

Ambasada e Shteteve të Bashkuara të Amerikës ka reaguar pasi Kuvendi miratoi me 97 vota pro ndryshimet në Kodin Zgjedhor.

Ambasada deklaron se është për të ardhur keq që mazhoranca dështoi të respektonte përkushtimin e deklaruar prej vetë asaj për të kërkuar emërues të përbashkët në Këshillin Politik.

Ndërkohë për ndryshimet në Kodin Zgjedhor, Ambasada amerikane thekson se ata nuk janë shkelje.

?Shtetet e Bashkuara i kanë shtyrë udhëheqësit e Shqipërisë, brenda dhe jashtë parlamentit, për t?u angazhuar me njëri-tjetrin në mënyrë transparente dhe përfshirëse për çështje me rëndësi kombëtare. Ky lloj angazhimi pozitiv prodhoi marrëveshjen e 5 qershorit për reformën zgjedhore. Nga ajo kohë, kemi bërë të qartë që marrëveshja e 5 qershorit duhet të respektohet dhe se çfarëdo masash shtesë duhen shqyrtuar dhe miratuar në mënyrë të ngjashme transparente dhe përfshirëse në Këshillin Politik. Sot, partia qeverisëse ndaloi diskutimet në Këshillin Politik dhe votoi për të miratuar ndryshime domethënëse të rregullave që do të qeverisin zgjedhjet e 25 prillit.

Ndërkohë që ishte brenda kompetencave të parlamentit për t?i miratuar këto ndryshime, dhe ndërkohë që këto ndryshime janë shtesë ? dhe jo shkelje ? të marrëveshjes së 5 qershorit, është për të ardhur keq që shumica dështoi të respektonte përkushtimin e deklaruar prej vetë asaj për të kërkuar emërues të përbashkët në Këshillin Politik. Shqipëria është anëtare e NATO-s, aspiruese për anëtarësim në Bashkimin Europian, dhe Kryesuese e radhës e OSBE-së. Është detyrë e udhëheqësve të Shqipërisë ? duke filluar por jo vetëm ata në pushtet ? për të kërkuar nga vetja një standard më të lartë dhe për të siguruar lirinë dhe ndershmërinë e zgjedhjeve të ardhshme. Këtë pritshmëri e kemi ashtu si populli shqiptar?, thuhet në deklaratë./ CNA.al





Lajmet e fundit nga