web counter
LEXO PA REKLAMA!

SHKARKO APP

App Store
Google Play

E fundit!

x

Pagat e mjekëve/ Gent Stroni: Krahasohemi me shtetet afrikane, rritja do të ndalte eksodin

1 Tetor 2020, 14:50, Lifestyle CNA

Mjeku infeksionist Gent Stroni ka qenë i ftuar në ?Opinion? pasditen e sotme ku ka folur për pagat e mjekëve.

Stroni u shpreh se kërkesa e rritjes së pagave për mjekët në Shqipëri ka qenë e hershme dhe se kjo do të ndalte eksodin e bluzave të bardha.

?Ne kemi bërë kërkesa dhe këta 4 kërkesa ia kemi dorëzuar opozitës dhe qeverisë. Këta kërkesa tonat kanë qenë shumë të hershme. Kur ne parashtruam kërkesat, Kryeministria na ftoi në një takim. Në këtë takim, pjesëmarrëse ishte edhe ministrja e Shëndetësisë, që hapi rrugën për plotësimin e mundshëm të 4 pikave.

Ne detajuam kërkesat dhe na duheshin konsulenca ekonomike. Kërkesat do depozitohen të hënën. Ne krahasohemi me ndonjë shtet të Afrikës. Nuk barazohemi me paga as me kolegët në rajon, kjo është alarmante. Kjo është arsyeja se përse mjekët e infermierët largohen.

Rritja e pagave do të ndalte eksodin. Po do ta bënte, sepse mjekët në Rumani marrin më shumë para. Kjo bën që ata të qëndrojnë në vend , madje kthehen nga Gjermania. A mund të dalin paratë për ne? Sigurisht që mund të bëhet, sepse nëse 2 kilometër rrugë mos të bëhet, rriten pagat për ne.

Mjekët që kanë humbur jetën duhet të shpallën heronj ose dëshmor ose së paku familja e tij të ketë shërbime në vijim. Mjekët janë të kërcënuar edhe nga aget e sëmundjet” deklaroi ai./CNA.al





Lajmet e fundit nga