Në kërkim për tentativë vrasje prej një viti/ Prangoset në Tiranë 27-vjeçari

30 Shtator 2020, 06:36, Kronika CNA

Një 27-vjeçar, i cili prej më shumë se një viti ishte shpallur në kërkim për vrasje të mbetur në tentative, është vënë në pranga nga Policia e Tiranës.

Mësohet se i arrestuari është Lajden Kadilli.

27 vjeçari ishte shpallur në kërkim në korrik të 2019, pasi prokuroria e Tiranës e akuzon për ?Vrasje me paramendim? mbetur në tentativë në dëm të shtetasin Gentian Rrahmanit dhe ?Mbajtjes pa lejë të armëve luftarake dhe municionit?.

Gjithashtu Kadilli akuzohet dhe për kanosje me armë të djalit të deputetit të PS në Durrës Spartak Braho, Kreshnik Braho.

?Në zbatim të Planit të Masave për parandalimin dhe goditjen e trafiqeve të paligjshme, kapjen dhe prangosjen e personave që qarkullojnë me armë zjarri apo që janë të shpallur në kërkim, forca e posaçme ?Shigjetat? ka konstatuar një mjet që ka ndaluar 100 metra larg pikës së kontrollit te pallati me shigjeta.

Drejtuesi i mjetit ka dalë nga mjeti dhe ka ikur me vrap duke mbajtur një çantë në dorë. Menjëherë punonjësit e Policisë së forcës së posaçme ?Shigjetat? janë vënë në ndjekje të personit, i cili kur ka parë që po e ndiqte Policia ka hedhur në një kosh armën e zjarrit dhe është larguar me shpejtësi.

Pas afro 10 minuta ndjekjeje, ?Shigjetat? kanë kapur dhe prangosur shtetasin L. K., 27 vjeç, banues në Durrës.

Shërbimet e Policisë kanë gjetur dhe sekuestruar edhe armën e zjarrit tip pistoletë me fishek në fole gati për qitje dhe një krehër me fishekë luftarak.

Shtetasi L. K. është shoqëruar në Komisariatin e Policisë Nr. 2 dhe nga verifikimi i kryer ka rezultuar se ky shtetas ishte person i shpallur në kërkim, pasi Prokuroria e Rrethit Gjyqësor Tiranë ka dërguar urdhrin për ekzekutimin e vendimit të Gjykatës së Rrethit Gjyqësor Tiranë, e cila i ka caktuar masën e sigurisë ?Arrest në burg?, për veprat penale ?Vrasja me paramendim? dhe ?Armëmbajtje pa leje?.

Gjithashtu ndaj këtij shtetasi Prokuroria e Rrethit Gjyqësor Durrës ka dërguar për ekzekutim urdhër-ndalimin në mungesë, për veprat penale ?Kanosja?, ?Shkatërrim i pronës?, ?Kundërshtim i punonjësit të policisë së rendit publik?, ?Mosbindje ndaj urdhrit të punonjësit të policisë të rendit publik? dhe ?Armëmbajtje pa leje?.

Në përfundim të veprimeve, specialistët për Hetimin e Krimit në Komisariatin e Policisë Nr. 2 bënë arrestimin në flagrancë të shtetasit L. K. dhe materialet procedurale iu dërguan Prokurorisë pranë Gjykatës së Shkallës së Parë të Rrethit Gjyqësor Tiranë, për veprime të mëtejshme?-thuhet në njoftimin e policisë./ CNA.al