Sandër Lleshaj, sërish gënjen publikisht

17 Shtator 2020, 09:57, Politikë CNA

Ministri i Brendshëm, Sandër Lleshaj, sërish sot ka gënjyer publikisht.

Pasi deputeti Andi Përmeti i ka kërkuar që të zbardhë dosjen e gazetarit Elvi Fundo, ngjarjen kriminale të tre viteve më parë, ku gazetari u dhunua barbarisht në mes të Tiranës, Sandër Lleshaj është ngritur dhe ka thënë se ky gazetari ka shpifur dhe se ai nuk ka blerë makinë private.

CNA.al edhe një herë e rithekson se asnjëherë dhe në asnjë rast ne nuk kemi thënë se kjo është një makinë e blerë privatisht nga Sandër Lleshaj.

Por, është një mjet i blerë me procedurë ekstraligjore nga Policia e Shtetit.

Pra, Zoti Lleshaj gënjeu publikisht kur tha se ne kemi shkruar se ka blerë mjet privat.

Gënjen, gënjen dhe vetëm gënjen.

Së dyti, duke përsëritur rastin e tij kriminal të sulmit ndaj medias, tha se ne kemi thënë 150 mijë euro. Asnjëherë dhe në asnjë rast ne nuk e kemi thënë këtë.

Ne kemi thënë një makinë që vlen rreth 100 milionë lekë, dhe kjo vlerë është përcaktuar nga vlera e tregut e këtij mjeti.

Dhe ia kemi treguar me fakte konkrete Ministrit të Brendshëm, i cili thotë se e ka blerë rreth 50 mijë euro.

Por, sërish theksojmë se i kemi çuar shkresë Ministrisë së Brendshme dhe Policisë së Shtetit, e cila nuk ka kthyer përgjigje dhe nuk na vendos në dispozicion dokumentet.

Theksojmë se mjeti, për të cilin Lleshaj thotë se është blerë 50 mijë euro, me doganë, TVSh dhe vlerat e tjera që duhet t?i shtohen shkon në 70-80 milionë lekë.

A ka luksin Shqipëria, që ministry i Brendshëm të blejë një makinë 80 milionë lekë në kulmin e pandemisë dhe pas tërmetit katastrofik?

Së fundi theksojmë se Sandër Lleshaj nga foltorja e Kuvendit u shpreh se ne nuk kemi asnjë të drejtë të investigojmë mjetet që përdor ministri i Brendshëm.

Ne kemi të drejtë të investigojmë çdo mjet që paguhet nga taksat e shqiptarëve. Gjithçka që qarkullon në shtetin shqiptar, nga paratë e shqiptarëve të varfër, të cilat përdoren për BMW luksoze dhe kthehen në mjete që përdoren me targa falso për luksin e zyrtarëve të korruptuar të shtetit shqiptar.

CNA.al paralajmëron padi penale ndaj ministrit Lleshaj.

Duke qënë se i kërkoi deputetit Andi Përmeti që t?i drejtohej Gjykatës, do të jemi ne ata që do t?i drejtohemi gjykatës./ CNA.al

Kërcënoi publikisht gazetarin/ Andi Përmeti vë me ?shpatulla pas muri? Sandër Lleshajn

Ekskluzive-Sandër Lleshaj dhe Ardi Veliu kapen në mega-skandal/ Si u ?përvetësua? makina 100 milionëshe

“Kapter” Sandër Lleshaj reagon për makinën luksoze/ CNA.al i përgjigjet

Publikoi skandalin e makinës luksoze/ Gazetari sfidon publikisht Sandër Lleshajn

Faktet që ?kryqëzojnë? Lleshajn/ Sa kushton BMW luksoze