web counter
LEXO PA REKLAMA!

SHKARKO APP

E fundit!

x

Sadiku harron ndeshjen katastrofike ndaj Lituanisë, prezantohet tek klubi i ri

8 Shtator 2020, 15:52, Sport CNA

Sulmuesi i Kombëtares, Armando Sadiku, ka lënë pas krahëve, dështimin e hidhur me fanellën e Kombëtares, në sfidën ndaj Lituanisë, ku u mposhtën me rezultatin 0-1, teksa nuk ka humbur kohë, për të fluturuar drejt Turqisë, ku u prezantua ditën e sotme me skuadrën e re të Ezurumspor. 29-vjeçari firmosi një kontratë 2-vjeçare, me ekipin që u ngjit këtë sezon në elitën e futbollit turk.

Erzurumspor është skuadra e 11-të në karrierën e Armando Sadikut, i cili e nisi me Turbinën e Cërrikut, kaloi te Gramozi i Ersekës më pas te Elbasani. Pas një incidenti me fanellën e Elbasanit, ku mori një dënim shembullur nga Komisioni i Disiplinës, Sadiku u transferua në Zvicër, ku aktivizua me 4 ekipe: Lokarno, Lugano, Vaduz dhe Zyrih.

Për të kaluar te Legia Varshavë. Levante ishte destinacioni i radhës. Klubi spanjoll e mori në vitin 2018 sulmuesin shqiptar dhe e huazoi te Malaga, ku arriti të shndërrohej në protagonist me golat e tij. Sadiku shpreson të ketë të njëjtën ecuri, pse jo edhe më të mirë, te klubi i tij i ri.

Ka qenë vetë presidenti i Husejin Unes, që nëpërmjet një postimi në llogarinë e tij në rrjetet sociale, prezantoi afrimin e Sadikut. 29-vjeçari është pjesë e Kombëtares shqiptare që nga viti 2012 dhe ka shënuar 12 gola për ngjyrat kuqezi.





Lajmet e fundit nga