web counter
LEXO PA REKLAMA!

SHKARKO APP

App Store
Google Play

E fundit!

x

Ja kush ishte lojtari që e përjetoi më keq humbjen ndaj Lituanisë

8 Shtator 2020, 06:20, Sport CNA

Kombëtarja jonë ditën e sotme tregoi një nivel shumë të ulët fizik dhe taktik, duke humbur minimalisht ndaj Lituanisë në ?Air Albania?. Skuadra e Edi Rejës nuk arriti të tregojë asgjë nga ndeshja e fundit ndaj Bjellorusisë dhe pas fundit të sfidës zhgënjimi ka pllakosur gjithë ekipin.

Mihaj, i cili e nisi për herë të parë si titullar, ishte lojtari më i zhgënjyer pas sfidës, duke u shtrirë menjëherë në tokë pas vërshëllimës së fundit të arbitrit. Kundërshtarët nuk hezituan ta ngushëllonin, por edhe Keidi Bare e pa gjendjen e keqe emocionale të shokut të tij dhe nga pas porte shkoi ta motivonte në këtë moment të keq, duke u larguar bashkë drejt dhomave të zhveshjes.

Ndërkohë pjesa tjetër e skuadrës nuk qëndroi thuajse fare në fushë, por shkuan direkt drejt tuneleve. Ra në sy gjithashtu edhe protesta e zgjatur e Gjimshitit, i cili iu ankua gjyqtarit për disa faulle të padhënë, apo të dhënë gabimisht, sipas tij. Festë e madhe e lojtarëve dhe stafit të Lituanisë pas ndeshjes, zërat e të cilëve dëgjoheshin edhe në ambientet e jashtme të dhomave të zhveshjes.





Lajmet e fundit nga