Drejt "Zgjidhjeve të Reja dhe jo drejt Zgjedhjeve te reja-të-vjetra"

7 Shtator 2020, 09:13, Opinione CNA

Nga Përparim Kabo

* Në mënyre ligjore 25 prilli 2021 u caktua data e zgjedhjeve të reja të vjetra për në Kuvendin e Shqipërisë. Ato duken të vjetra sepse partitë politike që ndërtuan pluralizmin formal në Shqipëri provuan se erdhen nga e vjetra, ashtu si u krijuan në zyrën e Ramiz Alisë, por ashtu edhe vijuan, pa mentalitet pluraldemokratik, me drejtim autoritarian, me menjanim të mendimit ndryshe deri në përjashtime të kundërshtarëve apo oponentëve brenda vetes.

Në atë që njihet si “ekonomia e lirë e tregut” në mënyre krejt të mbrapshtë këto forca politike zbatuan grabitjen e pasurisë kombëtare, të pronave publike dhe të atyre private individuale e familjare. Gjatë pothuaj 30 viteve prej tyre kemi parë dhe ndjerë mbrapshtime deri edhe tragjike si edhe ishte viti 1997, humbje të medha në njerëz dhe në asetet kombëtare.

Arriten deri atje sa partitë politike te shiteshin dhe të bliheshin nga kryetari vjetër në kryetarin e ri me para në dorë. Partitë të quajtura të vogla nuk bënë dot as pune të mëdha dhe as punë të vogla, ju ngjiten si bishtra të mëdhave thjesht për interesa kryetarësh.

Zgjedhjet e vitit 2021 do jenë ndryshe. Ato do të sjellin dhe duhet të sjellin zgjidhje dhe një përmbysje e tillë do të nisë me spastrimin e klasës politike duke shpënë në procesin e tyre të Vetingut dhe të pastrimit, gjykimit në gjykatë dhe dënimeve penale.

Këtu fillon ndryshimi. Forca të reja politike do të shfaqen ne skenën e re politike që po punojnë në bashkëpunim me faktorin ndërkombetar me aleatin tonë të madh të vetëm SHBA-në. Djem dhe vajza shqiptare të shkolluara jashtë vendit teknokrate dhe specialistë të zotët, qytetarë me vlera dhe të përkushtuar, do të marrin në duar drejtimin politik të vendit. Nuk do të shohim më këta partiakë të pabesueshëm qeë kuturbojnë korrupsion që nga larg dhe që ju dihen bëmat. Një popull 2,5 milion banorë nuk mund të varfërohej në këtë shkallë. Dhe vetëm 3% të jenë kaq shumë të pasur sa që nuk dinë ku t?i çojnë vlerat monetare dhe pasuritë e tjera.

Kënga e vjetër se do kemi zgjedhje, se do ikësh ti se do vij unë, se ai vodhi, ne nuk do vjedhim, është dëgjuar tash e me shumë se 20 vite. Të parë e provuar jeni të gjithë ….vendit nuk i duheni më, i duheni vetëm sistemit të drejtësisë.

25 prill 2021…nuk pret thjeshtë zgjedhje por zgjidhje që nis nga pastrimi ligjor me dënime penale….Koha e ndryshimit po vjen, ne duhet të kemi besim, duhet të jemi pjesë e ndryshimit dhe jo e mosbesimit…