Connect with Us

Ben Blushi justifikon falsifikimin/ Katër faktet që e nxjerrin zbuluar dhe Natalia e pafajshme

Politikë

Ben Blushi justifikon falsifikimin/ Katër faktet që e nxjerrin zbuluar dhe Natalia e pafajshme

Publikuar

-

Ekskluzive-Skandali me falsifikimin/ Kallëzohet penalisht vajza e Ben Blushit dhe noterja e tij

Ish-deputeti socialist Ben Blushi ka reaguar pas publikimit të dokumenteve zyrtare ku dukej qartë se firma e vajzës së tij ishte falsifikuar në një akt noterial, ku blihej një pronë me vlerë marramendëse në Korçë. Beni ka gjetur justifikimin duke theksuar se këtë e bën Sali Berisha duke dashur ta politizojë çështjen.

Është ky Ben që thoshte se po e sulmonte Ridvan Bode, Niko Peleshi, Arben Ahmetaj, Aleksandër Frangaj, Alban Jaho, Albert Sino, Sokol Meqemeja, etj. etj. etj. mediat e opozitës etj etj. Sot më në fund tha Sali pasi nuk gjeti shpëtim për më shumë se 4 muaj të vërteta e skandale.
Në fakt Ben Blushi sërish gënjen dhe kërkon të shpëtojë duke u fshehur pas gishtit.

Së pari, Ben Blushi nuk ka asnjë arsye ta ngatërrojë vajzën me këtë çështje. Kjo për faktin se Natali Blushi nuk ka qenë aspak në Shqipëri kur është firmosur kontrata.  Kush e firmosi kontratën tek noterja për Natalinë, ky është thelbi i problemit. Firma është false dhe noterja mban përgjegjësi ligjore.

Së dyti, në rast se Beni i ka bërë dhuratë vajzës ta gëzojë, por nuk mund të thotë pse lirë pse shtrenjtë. Sepse kur çmimi është 10 apo 15 herë më i lirë se vlera e tregut ka korrupsion, fshehje të vlerës reale, kjo e bërë nga një politikan në atë kohë deputet dhe ka përgjegjësi ligjore.

Së treti, ku shkruhet që politikanët që bëjnë libra kanë të drejtë të falsifikojnë firmat në prani të noterës dhe dhuratën që i bëjnë fëmijës duhet ta shkruajnë 10 apo 165 herë në vlerë më të ulët se tregu.

Së katërti, mund t’i tregosh Natalisë si ja bëre nënën aksionere me pronarët e koncesionit të inceneratorëve në Shqipëri. Tregoja mos ja fshi si u bëre ortak me Klodian Zoton, Mirel Mërtirin dhe më pas bleve Lori Kafe. Tregoja mos ja fshi këto të vërteta, apo ke vendosur t’i mbash për pleqëri mos ja japësh fëmijëve dhuratë?

Për ta mbyllur, këndin e leximit e ka me dritare nga toka 2 mijë m² që legalizove në Dardhë duke u sherrosur me komshinjtë apo bie nga rruga poshtë, se këtej nga komshinjtë vërtet duhet të ketë turp të nxjerrë kokën, pasi babai mori me legalizim atë që nuk i takonte sepse është drejtor i Top Channel?

LEXO EDHE:  Venecia rrëzon ligjin e pronave/ Tabaku: Ligji, në shkelje të të drejtave të njeriut

Natalinë mos e përfshi në këtë histori Ben Blushi! Nuk të mëshiron kush se përdor emrin e saj? Kaq keq ke katandisur sa përdor vajzën të shpëtosh suratin tënd të ndorur? 

Ti je një politikan, ish-deputet, ish kryetar partie, kryetar grupi parlamentar, ministër. Ti je njëri që je paguar më taksat e shqiptarëve, por së fundi si drejtor televizioni je marrë peng, e nuk je aspak i lirë. Je peng i 2 mijë m² truall që legalizove në Dardhë duke mos qenë pronar, je peng i 6 mijë m² në Dhërmi që po hetoin SPAK, je peng i përplasjeve me biznesmenin Pandi Carapuli apo Arben Reli. Je peng i Vjollca Hoxhës, gjyqeve dhe konflikteve të pronësisë. Je peng i akuzave nga biznesmenë, me letra edhe në ambasadën e SHBA-ve.

Po Beni ti je për të ardhur keq sepse je peng i grykësisë tënde. Je peng dhe i vetmuar, shiko rrotull, s’ke më asnjë shok, asnjë bashkëpunëtor, por ke ngelur vetëm ti me grykësisë tënde. Ke ngelur i vetmuar dhe i urritur për të rrëmbyer ç’të mundësh, për të bërë intriga, sulmuar, gënjyer, anatemuar e copëtuar kë të kesh mundësi.

Leje jashtë kësaj historie Natalinë, ajo s’ka faj, as pse të ka baba. Natalia është princesha që në këtë histori duhet të qëndrojë jashtë, ajo nuk është as falsifikatorja, as rrëmbyesja e pronave, as njeriu që fshehu vlerat, e as njeriu që çoi vjehrrin të bëhej pronar pallati. Natalia është krenare që të ka baba mos ki dyshim, edhe pse ti je grykësi dhe intriganti më i fëlliqur në historinë e medias shqiptare, por ajo nuk mund ta zgjedhë babanë./CNA.al

Kush është Natali Blushi, vajza e Benit me pasuri 500 milionëshe vetëm 20 vjeçe

Skandalet e Ben Blushit/ Natalia është e pafajshme! Babanë askush nuk e zgjedh dot!

Skandali-/ Ben Blushi bëri vajzën pronare duke i falsifikuar firmën (fakte dhe dokumente)

Prona 500 milionëshe/ Kush është noterja që falsifikoi firmën e vajzës së Ben Blushit?!

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Ngjela habit me deklaratën/ Disa moderatorë janë paguar për të sulmuar Shqipërinë

Publikuar

-

Nga

Ngjela habit me deklaratën/ Disa moderatorë janë paguar për të sulmuar Shqipërinë

Avokati Spartak Ngjela ka bërë deklarata të forta mbrëmjen e sotme lidhur me forcimin e Shqipërisë dhe të shqiptarëve.

Ngjela deklaron se në Tiranë dhe Prishtinë disa persona të paguar janë acaruar dhe po reagojnë në mënyrë qesharale madje nëpër programe televizive me moderatorë shqiptarë të paguar.

“Forcimi i Shqipërisë dhe i shqiptarëve, i ka acaruar shumë antishqiptarët e paguar në Tiranë dhe në Prishtinë. Korrupsioni shqiptar është i tulatur, por ende e ka shpresën te Moska dhe Beogradi. Pikërisht këtu vijnë pagesat që iu bëhen individëve të veçantë për të thënë direkt apo indirekt se çështja shqiptare ka vdekur.

Në Tiranë, e sidomis në Prishtinë, antishqiptatët e paguar janë duke hedhur një valle qesharake, madje nëpër programe televizive me moderatorë shqiptarë të paguar. Kurse sot, shqiptarizmi po progredon përditë e më tepër në Shkup dhe në Malin e Zi. Pavarësia e Kosovës dhe frika e presidentit të Serbisë Vuçiç, është shenja e forcës shqiptare në Ballkanin Perëndimor”, shkruan ai.

Avokati pretendon se të paguarit nga Beogradi dhe Athina ishin gjithë shpresë për antishqiptarizëm kur Donald Trump u zgjodh president i SHBA, ndërsa pretendon se nuk dinin të arsyetonin fare politikisht për shkak të nivelit të ulët të inteligjencës.



Ai deklaron se pasi Trump nuk po i mbështeste, ata filluan me pasion të godisnin historinë e Shqipërisë, pa qenë historianë.

“Këta të paguar, që nuk dihet nga iu vjen mllefi antishqiptar, në fakt, si shumicë vijnë nga pakicat etnike, por edhe me prejardhje turke nga Orienti. Në të vërtetë, këta janë të paguar në forma të ndyshme, dhe me mediokritetin e tyre antihistorik, ngrenë së pari tezën që shqiptarët nuk janë autoktonë, dhe nxjerrin në pah falsitetet e një historiografia të marrë serbe. Por, për të qeshur është fakti që, me vete, të paguarit thonë: “njëlloj si ne, edhe shqiptarët, janë të ardhur këtu”; domethënë, njëlloj si këta të paguarit që vijnë nga pakicat etnike ose turqit e mbetur këtu si prejardhje kolonësh disa-qindra-vjeçarë. E kuptoni se me çfarë lloj individësh kemi të bëjmë?!

LEXO EDHE:  Blushi zbulon marrëdhënien me Metën/Me cilin politikan nuk ka komunikuar kurrë

LEXO EDHE:  Socialistët kërkojnë dorëheqjen e Ramës/ Zbardhet letra, kush janë firmëtarët  

Por, po këta, pastaj i vërsulën origjinës së Skënderbeut, dhe na e bëjnë atë me origjinë serbe, kur Gjergj Kastrioti është nga një fis shqiptar solid shekullor, dhe për më tepër, luftën e tij antiosmane, e ka bërë vetëm me shqiptarë e jo me serbë. Të them të drejtën, është turp të polemizosh me këta injorantë të pagur për injorancën e tyre.

E ç’rëndësi ka e vërteta për të paguarit! Dihet, ata nuk flasin për historinë, por për nga mllefi antishqiptar që kanë, dhe, edhe nga paraja që iu paguhet. Shikojeni me kujdes: këta flasin vetëm kundër figurave të mëdha shqiptare që kanë vlerë historike në Perëndim, dhe asnjë fjalë për Esat Toptanin, për shembull, apo për laro të tjerë antishqiptarë që i ka përbuzur historia”, vijon ai.

Më tej, Ngjela shkruan se: “Tani koha ka ndryshuar: janë dy shtete shqiptarë në Ballkanin Perëndimor, por do të ketë edhe më; sepse ortodoksët maqedonë, rreth treqind mijë deri tani, po shkruhen si shqiptarë që iu ishte mohuar kombësia. Priten edhe katolikët shqiptarë në Mal të Zi – në Ulqin e kudo – të hyjnë në këtë rrjedhë të re të historisë që po vjen. Prandaj, të paguarit antishqiptarë janë në hall. Po kot mërziten, se, të marrët që i paguajnë, zor që mund të dalin dot ndonjëherë nga marrëzia e tyre antishqiptare”./ CNA.al

LEXO TE PLOTE

Politikë

Paralajmëron Taulant Muka/ Hapja e shkollave do sjellë rritje të infektimeve

Publikuar

-

Nga

“Parlamenti të mos ishte mbledhur”/ Taulant Muka: Deputetët duhej të ishin në karantinë  

Studiuesi Taulant Muka ka paralajmëruar rritje të infektimeve me koronavirus një ditë para nisjes së vitit të ri shkollor.

Duke marrë shkas nga situata në Izrael, Muka thotë se hapja e shkollave do të rrisë më tepër rrezikun për infektime të reja, madje thekson se mund të na çojë deri në vendosjen e masave ekstreme.

Ai thekson se vetëm dy javë pas hapjes së shkollave, Izraeli po mendon të rikthejë izolimin, ndërsa pretendon se një gjë e tillë mund të ndodhë edhe në vendin tonë pa marrjen e masave të duhura.



“2 javë pas hapjes së shkollave, Izraeli njofton se mund të shkojë në izolim kombëtar! Hapja e shkollave kur përhapja e infeksionit në komunitet nuk është e kontrolluar sikurse është situata në vendin tonë, nuk do sjellë gjë tjetër veçse rritje të mëtejshme të rasteve të reja të infektimit dhe më vonë vendosjen e masave ekstreme. Të rinjtë (mosha 10-19 vjeç), edhe pse e kalojnë kryesisht pa komplikacione klinike infeksionin SARS-CoV-2, janë vektorë të rëndësishëm të përhapjes së infeksionit në familje, shkolla dhe komunitet.

LEXO EDHE:  Denoncimi: Punëtorëve të një fasonerie në Korçë nuk i jepet paga e luftës

LEXO EDHE:  Video/ Dibranët nxjerrin zbuluar Edi Ramën

Mjafton të shikoni Izraelin ku, pas 2 javësh pas hapjes së shkollave, kuvendi po voton nëse vendi do shkojë sërish në një izolimin kombëtar (lockdoën) 2 javor. Ishte e pritshme pasi hapja e shkollave u bë kur Izraeli kishte mbi 2000 raste Covid në ditë, pra përhapje të infeksionit në komunitet.

Hapja e shkollave është e sigurtë kur nuk ka përhapje komunitare të infeksionit, dhe paralelisht janë kryer të gjitha investimet e nevojshme që sigurojnë respektimin e masave anti-Covid!”, shkruan ai në rrjete sociale./ CNA.al

LEXO TE PLOTE

Politikë

Veliaj i shkruan letër nxënësve/ “I përvishet” Ina Zhupa: Propaganda nuk e fsheh dot dështimin

Publikuar

-

Nga

Veliaj i shkruan letër nxënësve/ “I përvishet” Ina Zhupa: Propaganda nuk e fsheh dot dështimin

Kryebashkiaku i Tiranës Erion Veliaj ka shpërndarë një letër në shkollat e kryeqytetit për nxënësit me rastin e fillimit të vitit të ri shkollor.

Këtë letër e ka publikuar zëdhënësja e Partisë Demokratike Ina Zhupa, e cila sulmon ashpër Veliajn për këtë gjest.

Zhupa deklaron se nënësit do të gjejnë nesër letrën neveritëse të Veliajt, pavarësisht se në shkollë mund të mos ketë ujë, apo mund të mos jenë marrë masa për ndalimin e përhapjes së Covid-19.

“Të dashur nxënës të Tiranës !



Nesër në bankat e shkollës do të gjeni këtë letër neveritëse të Kryemashtruesit të Tiranës! Nesër në vend të një maske apo një dizinfektanti do mbroheni me letrën e Veliajt! Në shkollë shumicën e kohës nuk do të keni ujë por do të keni letrën e Veliajt  të mbushur me propagandë!

LEXO EDHE:  Venecia rrëzon ligjin e pronave/ Tabaku: Ligji, në shkelje të të drejtave të njeriut

LEXO EDHE:  Video/ Dibranët nxjerrin zbuluar Edi Ramën

Nesër mësuesja juaj mund të jetë e infektuar sepse Veliaj dhe qeveria e tij refuzuan që t’ju kryejnë testin por në tavolinë do të gjeni letrën që mundohet të fshehë dështimin në menaxhimin e situatës!

Nesër do ta bëni mesimin me katër turne, dhe që kjo të mos ju duket skandaloze do keni letrën e Veliajt! Në vend të shoëmerrni masa për mbrojtjen e jetës dhe shëndetit të nxënësve dhe mesuesve ! Propaganda nuk shpëton jetë dhe as nuk e fsheh dot më dështimin!”, shkruan ajo në rrjetet sociale./ CNA.al

LEXO TE PLOTE