web counter
LEXO PA REKLAMA!

SHKARKO APP

App Store
Google Play

E fundit!

x

“Kolla më rrëzoi në korridor”/ Mjekja hematologe rrëfen betejën me Covid

18 Korrik 2020, 16:34, Sociale CNA

Mjekja hematologe, Alma Cili, ka rrëfyër eksperiencën e saj të vështirë të betejës me koronavirusin.

E ftuar në emisionin ?Kjo Javë?, në News24, mjekja tregon si u infektua në punë, edhe pse ishte me maskë, ndërsa tregon se virusin e rëndë ia ka kaluar bashkëshortit dhe dy djemve të saj të vegjël.

Duke e cilësuar këtë si sëmundjen më të vështirë, mjekja tregon edhe simptomat e saj, teksa tregon: ?Të martën pasdite kur kthehem nga puna, bëj një dush, me idenë të bëj një dush se si dihet mund të kem marrë dicka atje. Në momentin që kam dalë nga dushi, ekzakt në korridor, jo kollë, por që mua më ka rrëzuar në korridor, që nuk ka ndodhur kurrë?.

“Jam prekur në javën e parë të qershorit, jam infektuar në punë. Ne klinikën tonë të hematologjisë nuk e kemi mbyllur në asnjë moment, pasi pacientët tanë, duke qenë se janë me kancer, bëjnë protokollin e kimioterapisë në një datë të caktuar. Ne kemi qenë aty gjithë kohës dhe infektimi ka ndodhur aty. Unë besoj, jam e sigurt, sepse dy kontaktet e fundit kanë qenë një familjare e një pacienteje, e cila u diagnostikua me leucemi akute, dhe një paciente, që më pas u transferua në Infektiv. Dua ta theksoj për të gjithë ata që mendjonë se nuk mbajmë maska, kam foto pafund, që tregojnë se si ne kemi mbajtur maska cdo ditë. Unë personalisht kam pas maskë ditën e infektimit, sepse i gjithë stafi ka bërë një infeksion 48 deri në 72 orë pas kontaktit me një pacient të infektuar.
Ka qenë ditë e enjte dhe unë zgjohem me një dhimbje fyti, nuk e mendova që ishte Covid-19, sepse unë isha me maskë gjatë gjithë kohës, plus nuk më vinte në mendje dikush që ishte pozitiv, që të kisha rënë në kontakt me të. Ubnë nuk kam ndenjur dy orë me një paciente. Ky virus jeton dhe jeton në ajër. Unë mendoj se transmetohet me anë të konjuktivave, sepse kemi qenë gjatë gjithë kohës me maskë, me dorezë.

Të enjte, të premte ka qenë një dhimbje fyti. Në fundjavë i them bashkëshortit ?të lutem nxirri fëmijët, largoi nga unë, se nuk rri dot me maskë gjithë ditën?. Aty fillova të dyshoj, që ndoshta është Covid, dicka që nuk e ndjeja veten në trupin tim. Unë jam shumë aktive, jam majë takave gjithë ditën, dhe ishte një lodhje për të bërë gjërat normale. Psh. Më pihej uji dhe isha në divan, nuk cohesha dot dhe i thoja fëmijës, pra ishin ca gjëra që nuk shkonin. Të hënën kam qenë shumë mirë, kam shkuar në punë me maskë. Isha pak si jo mirë, por asgjë e jashtëzakonshme. E marta ishte normal fare, deri në 15:30 në punë, sic kemi orarin. Të martën pasdite kur kthehem nga puna, bëj një dush, me idenë të bëj një dush se si dihet mund të kem marrë dicka atje. Në momentin që kam dalë nga dushi, ekzakt në korridor, jo kollë, unë zakonisht jam njeri që kollitem dhe në pavion më thërrasin ?Alma kolla?, se cdo virus më lë një kollë mbrapa, madje mendoja se e kisha kaluar dicka të tillë në shkurt, sepse kam kaluar tranzit në Romë. E kisha bërë serologjinë, doli negative. Ishte një kollë që mua më ka rrëzuar në korridor, që nuk ka ndodhur kurrë. E shoh që nuk mund ta vija më maskën, më merr bashkëshorti me djalin e madh, dhe i vogli sa mund të ndihmonte, se është vetëm 4 vjeç, dhe më shtrijnë në shtrat. Aty e shoh që ishte e pamundur të mbaja maskën, nuk mbushesha dot me frymë. Thashë kjo është korona, i thashë bashkëshortit ?të lutem merr fëmijët?. Ata refuzuan të largohen dhe i falënderoj, sepse më qëndruan pranë dhe unë mendoj se pa s?do ja dilja, më mbushën kohën, se ishte sëmundja më e vështirë në jetën time”, rrëfen mjekja./CNA.al





Lajmet e fundit nga