web counter
LEXO PA REKLAMA!

SHKARKO APP

App Store
Google Play

E fundit!

x

Kategoria e Parë, rezultatet/ Besa shokon Pogradecin, Besëlidhja dhe Kastrioti fitore me peshë

14 Qershor 2020, 17:02, Sport CNA

Janë mbyllur 3 ndeshjet e Kategorisë së Parë, të vlefshme për fazën ?play-off?, të cilat luftojnë për ngjitjen në Superiore.

Në grupin A, Besëlidhja ka marrë një fitore shumë të rëndësishme në shtëpi, teksa ka mposhtur mes spektaklit Erzenin me rezultatin 4-2. 3 golat e Hoxhës dhe 1 gol i Fetaj i dhanë fitoren lezhjanëve, ndërsa për miqtë shënuan Rezi dhe Cutra.

Kastrioti gjithashtu mori një fitore shumë të rëndësishme, teksa mposhti 2-0 Korabin. Për krutanët shënua Çela në minutën e 49? dhe Ajazi ne minuten e 90?.

Tashmë Kastrioti shkon në kuotën e 40 pikëve dhe kryeson, ndjek Besëlidhja me 31 pikë, ndërsa Erzeni dhe Korabi janë në kuotë të barabartë pikësh, 25 pikë.

Surpriza ka ardhur në grupin B, ku Besa ka mposhtur Pogradecin në një ndeshje me të vërtetë spektakolare. Ishin kavajasit që kaluan të parët në avantazh me Onuh në minutën e 4-t, por liqenorët përmbysën gjithçka me golat e Liçkollarit në minutën e 9-të dhe Alillarit në minutën e 41?.

Pjesa e dytë foli për vendasit, me Besën që përmbysi përsëri rezultatin duke shënuar 2 herë me Lilën dhe Da Konkeikao. Ndërkaq Pogradeci ngel në kuotën e 39 pikëve, ndërsa Besa shkon në kuotën e 30 pikëve.





Lajmet e fundit nga