Connect with Us

Nuk ngopen Klodët, Vjollca dhe Blushi/ Thellohet skandali i inceneratorëve

Politikë

Nuk ngopen Klodët, Vjollca dhe Blushi/ Thellohet skandali i inceneratorëve

Publikuar

-

Denoncimet në ambasadën e SHBA/ Biznesi kundër Ben Blushit dhe Top Channel

Top Channel, ditët e fundit ka bërë një sërë kronikash që lidhen me problematikat e mbetjeve urbane në qytetin e Durrësit.

Në fakt në pamje të parë, duket se gjithçka është në interes të qytetarëve, dhe Vjollca Hoxhës e Ben Blushit, iu “djeg barku” për Durrësin e mbuluar nga plehrat por e vërteta është se “dardha e ka bishtin prapa”.

Në një sërë kronikash të njëpasnjëshme Top Channel ka pasur në qendër mbetjet në Durrës dhe pas publikimit të këtyre kronikave, “rastësisht” del kryeministri Edi Rama dhe thotë se ky problem do të marrë zgjidhje brenda javës.

Kreu i qeverisë është shprehur mbrëmjen e djeshme se brenda disa ditësh do të firmoset marrëveshja me bashkinë e Durrësit dhe në këtë mënyrë mbetjet do të vijnë në landfilldin e Sharrës.

Por, ashtu siç e thamë më sipër “dardha e ka bishtin prapa”, pasi është e qartë se halli i Vjollca Hoxhës dhe Ben Blushit nuk është Durrësi, por është diku tjetër.

Vjollca Hoxha dhe Ben Blushi janë ortakë të kompanisë që ka marrë me koncesion inceneratorët, dhe kjo mesa duket është arsyeja se pse i mbajnë ison kreut të qeverisë, në mënyrë që plehrat e Durrësit ti sjellin në Tiranë.

Pasi morën 15 milion euro tender me prokurim të drejtpërdrejtë për koncesionin e Porto Romanos, të cilën mund ta lexoni këtu, duket se nuk janë “ngopur”, por kërkojnë të marrin edhe 30 milion euro në vit nga mbetjet urbane të Durrësit, duke i çuar në landfillin e Sharrës.

   Klodian Zoto

Pra, qëllimi është të shtojnë sasitë e plehrave të grumbullura, dhe kështu shtohen xhepat e tyre.

Por, ku lidhet ortakëria e Ben Blushit dhe Vjollca Hoxhës me Klodët e Inceneratorëve

Kujtojmë këtu se në shkurt të vitit 2020 CNA.al ka publikuar një dokument ekskluziv të siguruar në Bullgari, ku tregohet ortakëria e Klodian Zotos, bosit shqiptar të “Integrated Technology Service”, kopmanisë së konçesionit të inceneratorëve, me bashkëshorten e Ben Blushit, Eva Blushi dhe me Mirel Mërtirin, një emër ky shumë i famshëm dhe i njohur kudo ku del Klodian Zoto.

LEXO EDHE:  Meta-Kokëdhima aleancë kundër Ramës

Gjë e cila shpjegon edhe se pse kronikat në Top Channel e paraqesin koncesionarin djegës plehrash, si “shpëtimtar i mjedisit dhe jetës së banorëve” në Fier, Elbasan e Tiranë.

E  gjithë kjo tashmë e ka një shpjegim, pasi dokumenti tregon qartë lidhjen dhe bashkëpunimin e Klodi Zotos me Ben Blushin. Ortakëria e bashkëshortes të Ben Blushit me Klodian Zoton e inceneratorëve shpjegon gjithçka. (Lexo këtu)

Por nuk mbaron këtu. CNA.al ka zbuluar të tjera dokumente, ku tregohet se Klodian Zoto, Eva Blushi dhe Mirel Mërtiri janë edhe ortakë të aksioneres së Top Channel, Vjollca Hoxha.

Me dokumente zyrtare CNA.al tregoi sesi kompania EM Capital Group AD, e cila ka tre ortakë Klodian Zoton, Mirel Mërtirin dhe Eva Blushin, ka blerë 51% të aksioneve të Valtelina Kafe, e cila mban emrin tregtar Lori Kafe, që “rastësisht” ka të njëjtët aksionerë me Top Channel. (Lexo këtu)

Faktet flasin vetë. Kompania në Bullgari, EM Kapital Grup AD, në datën 25 nëntor ka ardhur në Tiranë nëpërmjet drejtorit të saj David Ujait dhe nëpërmjet një shumë prej 2.2 milion dollarësh ka blerë kompaninë Valtelina.

Gjithçka duket mjaft e qartë dhe lidhja media-qeveri-inceneratorë është e faktuar me dokumente. Dhe kjo shpjegon edhe “ison” që Top Channel i mban qeverisë./ CNA.al

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Ekskluzive dokumenti/Zbulohet ortakëria e Klodit të inceneratorëve me Ben Blushin

Ekskluzive dokumentet/ Klodi i inceneratoreve dhe Ben Blushi, blejnë “Lori Kafe”

Dokumenti-Klodian Zoto dhe Top Channel, edhe pas tenderit 15 milion euro për Porto Romanon

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Zgjedhjet e 25 prillit/ Bujar Çela: PS-PD po sillen korrekt me elektoratin, synojmë 11 mandate në Fier

Publikuar

-

Nga

Zgjedhjet e 25 prillit/ Bujar Çela: PS-PD po sillen korrekt me elektoratin, synojmë 11 mandate në Fier

Partia Socialiste dhe Partia Demokratike, si forcat më të mëdha kanë shtuar retorikat e tyre se do të dalin forcë e parë në çdo qark.

Fieri, që deri më sot mbahet si bastion i së majtës, për socialistët është fitore e sigurt.

Në një intervistë për CNA.al, kandidati i PS Bujar Çela, i cili renditet i shtati në këtë qark shprehet se në zgjedhjet e 25 prillit kanë të sigurt 10 mandate parlamnentare, ndërsa shtoi se janë afër mandatit të 11.

Sipas tij, deri tani fushata elektorale po ecën mjaft mirë nga PS dhe PD, ndërsa theksoi se lista eopozitës është zgjeruar pa patur asnjë përfitim e duke futur kryetarët e partive të vogla për tu siguruar një mandat në Parlament.

Fushata elektorale për mua ka ecur mjaft mirë, një fushatë e qetë. Të dyja partitë e mëdha për mua janë korrekte me sjelljen, pastaj ka nga të vegjlit të cilët për të përfituar nga  numrat që nuk i gjejnë dot sillen jo në përputhje me kodin dhe me ato që kemi miratuar.

Partitë e vogla e kam fjalën për pseudomotrën e të dyja partive të mëdha. Lista e madhe e PD ka futur një tufë pseudopartishë që kanë vetëm kryetarë dhe janë vendosur në listë për të futur kryetarët në Parlament. Këta pas dy vjetësh i ka marrë malli shumë për pushtet dhe janë kthyer me listat e PD-së.

Ne në qarkun e Fierit kemi 10 mandate dhe duam të bëjmë 11”, tha Bujar Çela për CNA.al.

LEXO TE PLOTE

Politikë

“Jemi një familje”/ Basha në Kamëz: Nga shpirti juaj buron thirrja për ndryshim

Publikuar

-

Nga

Kreu i partisë Demokratike Lulzim Basha gjatë një takimi elektoral me banorët në Kamëz u shpreh se ishte përgatitur për një vizitë në një familje, por sipas tij të gjithë të pranishmit janë një familje.

Më tej, ai shtoi se pensionistët me lekët që marrin mund të paguajnë vetëm faturat e energjisë dhe ilaçet.

 “Nga shpirti juaj buron thirrja e ndryshimit. Flamur Noka më tha se do shkojmë për një vizitë në një familje por të gjithë këtu jemi një familje. Një familje e ndryshme në përbërje me  nëna të vuajtura me gjyshe që kanë sakrifikuar çdo ditë. Me baba të rraskapitur në ferma dhe miniera për të ardhmen e fëmijëve të tyre.

Pensionistët pasi paguajnë faturat e energjisë dhe ilaçet nuk i’u mbetet asgjë. Nga ky shesh 8 vite më parë u premtua legalizimi falas dhe ju braktisën pa pikën e përgjegjësisë.”, u shpreh Basha./CNA.al

LEXO TE PLOTE

Politikë

Prezenca e OSBE-së në Shqipëri dhe Prokuroria e Përgjithshme nënshkruajnë memorandum

Publikuar

-

Nga

Kryetari i Prezencës së OSBE-së në Shqipëri, ambasadori Vincenzo Del Monaco dhe kryetarja e Gjykatës Kushtetuese të Shqipërisë, Vitore Tusha, nënshkruan, sot, një memorandum mirëkuptimi për të forcuar bashkëpunimin për përmirësimin e kapaciteteve të Gjykatës në përmbushjen e detyrave të saj në përputhje me standardet ndërkombëtare.

“Ky është një moment i rëndësishëm, pasi finalizojmë një bashkëpunim të Gjykatës Kushtetuese me Prezencën, që ka nisur prej disa kohësh, udhëhequr nga qëllimi i përbashkët për të forcuar ndërtimin e shtetit të së drejtës, për të kontribuar në forcimin e demokracisë dhe në respektimin e të drejtave të njeriut në Shqipëri. Ky memorandum shërben për forcimin e kapaciteteve të Gjykatës Kushtetuese me qëllimin final respektimin e misionit të Gjykatës Kushtetuese: garantimin e epërsisë së Kushtetutës në vendin tonë”, tha Tusha në ceremoninë e nënshkrimit.

Del Monaco tha se nënshkrimi i memorandumit është dëshmi e vijimësisë së bashkëpunimit afatgjatë mes Gjykatës Kushtetuese dhe Prezencës. Ai shtoi se partneriteti me Gjykatën Kushtetuese është përparësi e Prezencës, për shkak të rolit specifik dhe thelbësor që luan Gjykata Kushtetuese në sistemin ligjor të Shqipërisë për promovimin e plotë të shtetit të së drejtës dhe të të drejtave të njeriut. “Prezenca është aty ku është zemra e shqiptarëve dhe shqiptarët po ndjekin me shumë vëmendje e respekt veprimtaritë e Gjykatës Kushtetuese. Prandaj, ne punojmë së bashku për funksionimin dhe efikasitetin e Gjykatës Kushtetuese”, tha Del Monaco.

LEXO TE PLOTE