web counter
LEXO PA REKLAMA!

SHKARKO APP

App Store
Google Play

“Asnjë premtim nuk e shpëton dot Ramën”/ Tabaku: Atij nuk i dhimbsen shqiptarët

9 Qershor 2020, 07:54, Politikë CNA

Ish deputetja e PD, Jorida Tabaku thotë se asnjë premtim i ri apo i vjetër nuk e shpëton dot Edi Ramën nga revolta e shqiptarëve që sot janë më të varfër se kurrë.

Sipas Tabakut, në 7 vite qeverisje, Rama nuk mbajti asnjë premtim me të cilat u mori votën qytetarëve.

?Nuk hapi 300 mijë vende pune por largoi 300 mijë shqiptarë në emigrim.
Nuk e uli çmimin e energjisë, sot shqiptarët paguajnë çmimin më të lartë të energjisë në rajon.
Nuk e uli çmimin e naftës as për bujqesinë as për përdoruesit e tjerë, por rriti taksat dhe sot shqiptarët paguajnë më shtrenjtë se çdo vend tjetër. Nuk i uli taksat për 90% të shqiptarëve por i rriti taksat dhe tarifat për 100% të tyre, duke u shndërruar vendi me rritjen më të madhe të taksave. Nuk rriti pagat dhe pensionet por rriti çmimet, taksat dhe tarifat.
Edi Rama ka provuar në 7 vjet që bën të kundërtën e asaj që premton. Sot rinisi avazin e premtimeve a thua se nuk ishte ky në pushtet tash 7 vjet?, shkruan Tabaku.

Ajo thotë se Edi Ramës nuk i dhimbsen shqiptarët, pasi sipas saj, kryeministri mendon vetëm si të mbrojë karrigen e tij dhe oligarkët që e mbajnë në pushtet.

?Asnjë shqiptar nuk e beson më Edi Ramën që në ditët më të vështira për shqiptarët bredh nëpër Europë me charter luksoz dhe të nesërmen bën premtime të ngjashme me ato të 7 viteve më parë.
Asnjë premtim apo cirk shëtitës me regji qendrore nuk e shpëton më këtë kryeministër dhe këtë qeveri nga ndëshkimi që shqiptarët do t`i japin me votën e tyre?, shkruan Tabaku./CNA.al





Lajmet e fundit nga