Manjani mesazh opozitës/ Nuk të sjell në pushtet Kodi Zgjedhor

5 Qershor 2020, 13:34, Politikë CNA

Ish-ministri i Drejtësisë në qeverinë ?Rama 1?, Ylli Manjani i ka drejtuar një mesazh të qartë sot opozitës, ndërsa thekson se Qeverinë dhe opozitën e cakton vota dhe jo Kodi Zgjedhor.

Në një postim në rrjetet sociale, Manjani shkruan se njerëzit votojnë politikë dhe jo Kodin.

?Opozita është pa dyshim legjitime të marrë të gjithë kohën e nevojshme për të vendosur garancitë e duhura në Kodin Zgjedhor.

Qeveria, e zënë në flagrancë nga Prokuroria e Shtetit duke vjedhur vota, nuk bën favor, por detyrën për plotësimin e kërkesave të opozitës për garanci zgjedhore.

Por të mos shfokusohemi!

Kodi zgjedhor në vetvete as të mban e as të sjell në pushtet.

Qeverinë dhe opozitën e cakton vota dhe jo Kodi. Njerëzit votojnë politikën, jo Kodin.

Devijimi i vullnetit të votuesve ka kohë që nuk bëhet dhunshëm me komisionerë. Nuk përjashtohet edhe kjo mënyrë, por nuk është metodë e përdorshme më.

As Kolegji Zgjedhor nuk ndihmon dot as fituesit e as humbësit që të ndërrojnë vendet.?-shkruan Manjani.

Më tej, ai rendit edhe disa nga pikat, që sipas tij ndikojnë në devijimin e vullnetit të zgjedhësve.

?Devijimi i vullnetit të zgjedhësve vjen nga:
1. fragmentimi i votës në qarqe.
2. formula matematikore e ndarjes së mandateve.
3. Keqorganizimi elektoral i partive, veçanërisht në ndërtimin e koalicioneve dhe përzgjedhjes së kandidatëve.
4. Blerja e votës, e cila bëhet në banesën e votuesit, jo më në qendren e votimit…

Reforma zgjedhore, mesa di, nuk trajton asnjërën nga këto tema. Çfarëdo qoftë kjo reformë që po dakortësohet, problemet e mësipërme nuk ka për ti zgjidhur, për fat të keq!

Ndoshta nuk ja vlen të humbet kaq kohë për tema të tjera, të cilat janë të rëndësishme, por jo më të rëndësishmet.

Nejse, megjithatë opozita ka plotësisht të drejtë të marrë kohën që i takon dhe të propozojë masat që mendon sei shërbejnë zgjedhjeve.

Më shumë se halli i Ambasadorëve që duan të nxitojnë të shkruajnë CV e tyre, në këtë rast vlen halli i sigurimit të pjesmarrjes së opozitës në jetën politike në vend.?-shkruan Ylli Manjani.