web counter
LEXO PA REKLAMA!

SHKARKO APP

App Store
Google Play

E fundit!

x

Foto-Mesazhi i fortë i Metës/ E gjithë shoqëria duhet të ngrihet në këmbë

5 Qershor 2020, 09:13, Politikë CNA

Presidenti Ilir Meta i ka drejtuar sot një mesazh të fortë shoqërisë shqiptare, për mbrojtjen e vlerave të cilat i konsideron të shenjta.

Në një postim në rrjetet sociale, ndërsa reagon në lidhje me protestën e djeshme ?Kundër fëmijërisë së vjedhur?, e cila u zhvillua pas ngjarjes së rëndë në Babrru, Meta thekson se asnjë llloj dhune nuk duhet të tolerohet.

?Kur çdo formë dhune tolerohet, justifikohet dhe nuk ndëshkohet nga shteti, atëhere dhuna kthehet në sistem!

Vlerësoj dhe e përshëndes reagimin e djeshëm qytetar në protestën marshim të organizuar dje në Tiranë, dhe do t?i mbështes e inkurajoj gjithmonë të gjitha nismat kundër çdo forme dhune dhe abuzivizmi.

Një shoqëri demokratike dhe sociale, nuk mund të ketë evolucion pa inkurajuar përpjekjet për fuqizimin e rolit të grave dhe vajzave, veçanërisht pa përmbushur detyrimet për mbrojtjen e të drejtave të tyre.

I bëj thirrje drejtësisë të mos vonojë në nxjerrjen e përgjegjësive për rastin e abuzimit të 15-vjeçares në Babrru, dhe nxis institucionet arsimore të jenë më të vëmendshme në parandalimin dhe denoncimin e këtyre rasteve tronditëse.

Një shoqëri si e jona, që familjen dhe vlerat e saj i vlerëson të shenjta, duhet të ngrihet e gjitha në këmbë për mbrojtjen e tyre!?-shkruan Meta.





Lajmet e fundit nga