E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

"Lufta" për Portokallinë/ Ben Blushi provokon Agron Llakajn

3 Qershor 2020, 11:10, Aktualitet CNA

CNA.al ka raportuar në lidhje me përplasjet që kanë ndodhur së fundi mes trupës së emisionit ?Portokalli? dhe drejtorit të Top Channel, Ben Blushi.

Ashtu sikurse CNA.al e raportoi pak më parë, duket se Ben Blushi po shpartallon një ndër emisionet ikonë të këtij televizioni, dhe largimi i aktorëve duket pa kthim.

Por, pas këtyre përplasjeve dhe largimeve masive nga Portokallia, një nga personazhet që pritet të marrë drejtimin e trupës humoristike në Top Channel, pritet të jetë Agron Llakaj. Ky i fundit është larguar në mes të një sezoni të ?Portokalli?, vitë më parë, për një tjetër projekt. Pra, të një oferte më të mirë që iu bë në atë kohë në televizionin Klan.

Më pas shkoi në Vizion Plus ku bëri emisionin Al Pazar, ndërsa tani bën një tjetër emision Fake off, me Xhevahir Zenelin.

Ndërkohë mësohet se edhe këtu ka pasur probleme me drejtuesit e Vizion Plus, dhe disa nga aktorët e Al Pazar, së bashku me Agron Llakaj mund të kthehen në Top Channel, për të bërë një Portokalli të re.

Por këto janë ende diskutime në tryeza, pasi Agron Llakaj kohët e fundit ka pasur debate të ashpra me Top Channel dhe shpesh ka qënë një nga njerëzit që e ka sulmuar në mënyrë të egër emisionet në këtë televizion.

Kujtojmë këtu largimin e tij të bujshëm dhe përplasjet e mëvonshme.

Ndërkohë aktualisht në Top Channel ka plasur një luftë e Ben Blushit me trupën e Portokallisë, dhe mesa duket një shteg për Agron Llakajn është lënë i hapur.

Gjithashtu mësohet se disa nga aktorët e Portokallisë janë telefonuar nga Llakaj për t’iu kërkuar që të mos largohen por të vazhdojnë bashkëpunimin aty. Por, mesa duket vendimi është i marrë dhe aktorët nuk kanë kthim pas dhe ndoshta Llakaj do të shkojë i vetëm ose me një pjesë të trupës së Al Pazar, pas problemeve që kanë në Vizion Plus./ CNA.al

Plas në Top Channel/ Ben Blushi ?shpartallon? Portokallinë