web counter
LEXO PA REKLAMA!

SHKARKO APP

App Store
Google Play

E fundit!

x

Raporti i Reporterëve pa Kufij/ Basha: Ai që ka frikë fjalën e lirë është armik i demokracisë

21 Prill 2020, 17:25, Politikë CNA

Organizata ?Gazetarët pa kufij? ka publikuar një raport për lirinë e medias, për të cilën tha se ka ardhur në rënie, ndërsa për këtë ka reaguar edhe kryetari i opozitës Lulzim Basha.

Në një postim në rrjetet sociale, Basha thotë se nismat e qeverisë përkeqësuan lirinë e medias në Shqipëri. Lideri i Partisë Demokratike thekson se ai që ka frikë nga fjala e lirë është armik i demokracisë.

“Shqipëria është përkeqësuar dhe ka rënë më poshtë në indeksin e lirisë së medias! Kjo ka ardhur si pasojë e nismave të qeverisë për të censuruar fjalën e lirë e ushtruar presion ndaj atyre që denoncojnë korrupsionin, lidhjet e politikës me krimin dhe abuzimet me fondet publike.

Ai që ka frikë nga fjala e lirë është armik i demokracisë. Ai që përditë nëpërkëmb dhe ofendon gazetarët, duke kërcënuar ata që mendojnë ndryshe e denoncojnë aferat korruptive, ai përditë largon gjithnjë dhe më shumë vendin dhe shqiptarët nga standartet europiane. Censura, dhuna dhe autocensura në një vend që pret për antarësim në Bashkimin Europian, i shtohen panoramës së hidhur të krimit dhe korrupsionit që kjo qeveri servir në tryezën e ligjvënësve europianë”, deklaron kryedemokrati në rrjetet sociale./ CNA.al





Lajmet e fundit nga