E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

"Rama ka bërë fushatë"/ Gjekmarkaj: Basha është sjellë si kryeministër

21 Prill 2020, 17:12, Politikë CNA

Analisti Agron Gjekmarkaj ka folur sot për masat e qeverisë dhe për sjelljen e kryeministrit Edi Rama gjatë pandemisë së koronavirusit.

Gjekmarkaj tha se hapja duhet të bëhet në varësi të rezultateve, ndërsa thekson se masat nuk i ka shpikur qeveria, por vetëm i ka aplikuar.

Sipas tij, Rama gjatë kësaj kohe ka bërë fushatë elektorale dhe ka llogaritur mirë çdo fjalë të tij.

“Kryeministri është një mjeshtër i komunikimit, ai llogarit çdo fjalë që e thotë. Në një situatë pandemie, të gjithë duhet të ulim armët e të bashkëpunojmë por ne kemi një farë eksperience se si përdoren ngjarje të caktuara për marrëveshje. Mendoj se ka më tepër një kalkulim politik. Kam mbështetur përpjekjet e presidentit për sa kohë kanë qenë në sintoni me interesin publik”, u shpreh ai në një lidhje me News 24, ndërsa pretendon se kryetari i opozitës Lulzim Basha ka ardhur me një frymë të re dhe është sjellë si kryeministër.

“Mendoj që opozita nuk duhet të kompleksohet dhe nuk duhet të shohë shumë këtë fuqi të hipotetizuar në numra por duhet të punojë që të shndërrohet në një fuqi morale që të tërheqë pas vetes fuqinë për të bërë diçka për të ndryshuar këtë realitet të degraduar. Lideri i PD-së Lulzim Basha që muajt e fundit ka bërë një operacion mjaft interesant imazhi, madje po të shohim është sjellë si kryeministër por shumë racional, ka detyrën që në PD të sjellë mendimin elitar. Opozita është sjellë mjaft mirë. Opozita po e bën pjesën e vet të propozimeve, por nuk ka kuptuar që Edi Rama po sillet si në fushatë elektorale jo sikur është në menaxhimin e një pandemie. Opozita duhet të sillet politikisht. E ka të pamundur që një sjelljeje politike t?i sillet me sjellje të shqetësimit qytetar, politikës duhet t?i përgjigjet me politikë?, deklaroi Gjekmarkaj.

Ndërkohë, për numrin e testimeve, analisti kërkoi që të jetë më i lartë, pasi theksoi se sa më shumë tamponë e testime aq më mirë mund ta përballojmë situatën./ CNA.al