web counter
LEXO PA REKLAMA!

SHKARKO APP

E fundit!

x

"Shteti jonë si i Stalinit"/ Tomorr Alizoti: Jam i trembur nga ajo që mund të bëjë Rama nëse virusi zgjat 3 muaj

21 Prill 2020, 15:25, Politikë CNA

Anëtari i Kryesisë së Partisë Demokratike, Tomorr Alizoti, e ka krahasuar qeverinë tonë me atë të Stalinit, pasi pretendon se kryeministri Edi Rama po rrezikon të drejtat e njeriut.

Ai e cilëson të tmerrshëm faktin që Rama i jep urdhrat nga shtëpia e tij në Surrel dhe nëpërmjet rrjeteve sociale.

“Rama është piktor, mësues vizatimi. Nuk është oktapod i dijes. Në Gjermani del kreu i Insitutit të Shëndetësisë dhe një herë në javë del Merkel. Këtu është shteti emergjent i Stalinit, që thotë: “Do rrezikojmë të drejtat e njeriut për të mbrojtur masat”. Gjuha që përdor Rama është frikë. Ne jemi në emergjencë kombëtare. Udhëheq nga shtëpia e tij me Facebook. E tmerrshme! Gjykatë Kushtetuese nuk ka. E çon vendin akoma më shumë drejt një autoritarizmi. Ndryshon Kodi Penal. Mua më shqetëson kjo. Rama i mbyll shqiptarët në shtëpi me një sms, kjo është e tmerrshme!”, u shpreh Alizoti në një lidhje me Syri Tv.

Demokrati deklaron se ka frikë nga ajo që mund të bëjë kreu i qeverisë nëse kjo gjendje zgjat për tre muaj.

“E di çfarë bëhet nëse kjo zgjat për 3 vjet? Rama ka bërë kërdinë për një muaj. Unë jam shumë i trembur për këtë. Shqiptarët duhet të kujdesen për lirinë e tyre. Sot nuk i mbron gjë. Shqipëria nuk ka Gjykatë Kushtetuese”, nënvizoi ai./ CNA.al





Lajmet e fundit nga