Kontrata e Bashës në SHBA/ Reagon Balla: Do të ishte shumë me vlerë të ndihmonte disa qindra familje shqiptare

21 Prill 2020, 07:21, Politikë CNA

Kreu i grupit parlamentar socialist, Taulant Balla ka reaguar lidhur me kontraten e re të kreu të PD, Lulzim Basha për lobimin në SHBA me vlerë 60 mijë dollarë të nënshkruar më 20 mars të këtij viti.

CNA.al ka mundur të sigurojë nga burime zyrtare kontratën e firmosur nga Gazmend Bardhi në emër të PD me Sonoran Policy Group, LLC, kompani lubuese në SHBA me qendër në Washington. Kontrata që mban firmën e Gazmend Bardhit dhe vulën e Partisë Demokratike, është deklaruar nga kompania Sonoran Policy Group, LLC në Departamentin Amerikan të Drejtësisë në datën 20 mars, pra vetëm një muaj më parë. Data zyrtare e firmosjes së kontarëts nga Gazmend Bardhi për PD mban datën 10 mars 2020.

Balla, shkruan nder te tjera se kur të gjithë shqiptarët janë bërë bashkë në këtë Luftë me Covid-19, ku nevoja për solidaritet social e mbështetje për njerëzit në nevojë është aq e domosdoshme nga të gjithë, Basha merr guximin të japë edhe mend e plane, paguan shuma kaq të mëdha parash për të nxirë Shqipërinë në media amerikane.

?O zot, si ka mundësi, kur të gjithë shqiptarët janë bërë bashkë në këtë Luftë me Covid-19, ku nevoja për solidaritet social e mbështetje për njerëzit në nevojë është aq e domosdoshme nga të gjithë, ky që merr guximin të japë edhe mend e plane, paguan shuma kaq të mëdha parash për të nxirë Shqipërinë në media amerikane, apo në zyrat e Kongresit amerikan.
Po si mund të dalësh për ditë në TV, e të drejtosh gishtin se nuk po ndihmohen familjet në nevojë, se nuk po financohen spitalet, nuk po paguhen infermiret, punonjësit e policisë, nuk po i jepet ndihmë financiare biznesit, kur vetë bën rrush e kumbulla paratë që partia jote merr nga buxheti i shtetit?, shkruan Balla.

Ai i bën thirrje Bashës se do të ishte shumë me vlerë të ndihmonte disa qindra familje shqiptare me ndihma ushqimore me këto para.

?Mos prisni as sqarim, e as ndjesë publike nga ky e nga këta?, përfundon Balla./CNA.al

Dokumentet/ Zbulohet kontrata e Bashës me kompaninë që lobon në SHBA, për diktatorin e mbështetur nga Rusët