E fundit!

17:40 Aktualitet

"E ka fituar dhe një prej kumbarëve të qeverisë në takimin e Arubës"/ Këlliçi: Të anulohet procedura për Milot–Balldren

Nënkryetari i Partisë Demokratike, Belind Këlliçi është sh...

"Filani kundër Shqipërisë"/ Panariti: Kujt do ti "faturohet", miratimi i sforcuar i ligjit të pronave?

20 Prill 2020, 18:24, Politikë CNA

Ish-ministri i Bujqësisë Edmond Panariti,ka komentuar ndryshimet në projektligjin e legalizimit të pronave, pas kritikave të Komisionit të Venecias se projektligji i hartuar në vitin 2018 ishte i paqartë dhe cenonte të drejtën e pronës.

Duke i konsideruar si një marrëzi Panarit shprehet se ky është një burim konflikti, i cili do të shpërthejë sapo tapitë të kthehen në vërtetime pronësie në hipoteka siç kërkon të kryejë me shpejtësi ligji në fjalë i sapo miratuar.

Sipas Panariti, ligji nuk duhet të kalonte pa krijimin e Gjykatës Kushtetuese dhe pa reflektimet në vërejtjet e Presidentit.

“Të çosh në hipoteka tapitë e marrjes së tokave në përdorim apo në pronësi, pa i dhënë zgjidhje përplasjeve mbi kufijtë dhe pa shuar konfliktet pasurore të pronësisë të lidhura me to, është marrëzi!

Këtë marrëzi, fatkeqësisht e noterizoi parlamenti, pavarësisht nga vërejtjet e komisionit të Venecias dhe kthimit të ligjit nga Presidenti për ndryshime dhe reflektime.

Kjo nuk është vetëm marrëzi ! Por një rrezik me pasoja!

Po marr vetëm një aspekt atë të regjistrimit të tokave bujqësore të ndara sipas ligjit 7501!
Komisionet e ndarjes së tokave, pronë e kooperativave dhe e ndërmarrjeve bujqësore (por realisht prona të shqiptarëve të shpronësuar me dhunë në 1945), ndanë tapitë për përfituesit e rinj, mes një nxitimi kaotik dhe pasaktësish të matjeve!
Kjo ka krijuar problemin e rëndë të mbivendosjeve të pronave!
Ky është një burim konflikti, i cili do të shpërthejë sapo tapitë të kthehen në vërtetime pronësie në hipoteka siç kërkon të kryejë me shpejtësi ligji në fjalë i sapo miratuar.
Shumëkujt toka në përdorim, në letra do ti figurojë te baçja e komshiut, ndërsa komshiut letrat mund tja nxjerrin tokën në det.
Të mos flasim pastaj që nga pikëpamja formale juridike, këto tapi në shumicë janë ca “letra bakalli”, herë pa vulë dhe herë pa firmë të lëshuar nga ish kryetarë komisionesh !
Këto “karta” për tu regjistruar në hipoteka do të duhen të rivulosen nga kryetarët e bashkive të cilët me vulën e tyre do të sanksionojnë të gjithë atë rrëmujë dhe pasaktësi që përmenda më parë.
Por ajo që është më e rëndë dhe kritike, është fakti që në një pjesë të madhe të veriut të vendit dhe në disa zona të tjera, tokat janë ndarë me mirëkuptim dhe përdoren sipas kufijve të vjetër të pronësisë të para vitit 1945!
Në këtë rast të çosh forcërisht në hipotekë tapitë e 7501, do të thotë që tu konfiskosh atyre për herë të dytë pasurinë.
Ndërkohë pronarët e tokave, të konfiskuara në 1945 dhe të rindara në 1991, ndodhen pa asnjë perspektivë kthimi apo kompensimi pasuror.

Por si duhet të ishte vepruar dhe çfarë na pret, tani e tutje ?
1.Ligji nuk duhet të kalonte pa krijimin e Gjykatës Kushtetuese, e cila do të vlerësonte se sa e drejta pronësore mbrohet dhe rregullohet me këtë ligj.
2. Ligji do të duhej të reflektonte vërejtjet e Presidentit të Republikës dhe të Komisionit të Venecias mbi këtë çështje.
3. Ligji nuk mund të hartohej pa u mbështetur nga një pakt kombëtar jo vetëm politik por social.
4. Ky ligj duhet ti bashkojë dhe jo ti ndajë shqiptarët.
5. Ky ligj, kur të hyjë në fuqi, në kushtet e paralizës të sistemit gjyqësor do ta transferojë padyshim problemin në Strasburg, ku do të kemi padi të tipit “Filani kundër Shqipërisë” të cilat do të fitohen nga paditësit në vlera prej miliona euro. Faturë të cilën do ta paguajnë qytetarët dhe jo qeveritarët!”/CNA.al