web counter
LEXO PA REKLAMA!

SHKARKO APP

App Store
Google Play

E fundit!

x

Basha cilësoi ide të vjetër amnistinë fiskale/ Ahmetaj: S'kemi komplekse, nuk përfitojnë politikanët

20 Prill 2020, 18:44, Politikë CNA

Ministri i Shtetit për Rindërtimin dhe koordinatori për situatën ekonomike të koronavirusit, Arben Ahmetaj ka komentuar deklaratat e opozitës.

Kryetari i opozitës Lulzim Basha e cilësoi sot si një ide të vjetër, të cilën pretendon se qeveria e ka rikthyer në jetë. Ahmetaj tha se qeveria nuk ka komplekse për të përshtatur idetë e vjetra apo të reja, pasi pretendon se për ta ka rëndësi vetëm që të jetë funksionale.

“Zoti Basha iu referua si ide e vjetër, çdo ide e ripërsëritur nuk është e vjetër por referencën si ide e ka në historik. Këtë ide PD e ka promovuar jo tamam kështu si ne. E ka promovuar para 9 viteve mesa mbaj mend por sigurisht nuk kishte konsensusin politik për ta bërë një gjë të tillë. Amnistia është një mundësi shumë e mirë e gjithë atyre qytetarëve emigrantë që të deklarojnë punën dhe mundin e përvitshëm.

Kjo amnisti përjashton të gjithë ata që deklarojnë pasuri, pra politikanët dhe drejtorët si edhe ata që janë të dënuar, për drogë, prostitucion, dhe tregti armësh. Mundësia është për ata qytetarë që kanë qenë në emigrim që të mund të formalizojnë paratë e tyre. Unë e kuptoj gjuhën politike, nuk është lavatriçe parash. Është për ata qytetarë që kanë punuar në emigrim, ky ligj është për ata qytetarë. Është ide e vjetër apo është ide e re, unë shoh që kjo qeveri nuk ka kompleks se a e ide e vjetër apo e re, për ne është e rëndësishme të jetë e mirë, funksionale”, nënvizoi ministri në Syri Tv./ CNA.al





Lajmet e fundit nga