web counter
LEXO PA REKLAMA!

SHKARKO APP

App Store
Google Play

Basha refuzon sërish tryezën me Ramën/ "Nuk angazhohem në retorikë politike"

14 Prill 2020, 20:00, Politikë CNA

Kryetari i opozitës ka refuzuar sërish të ulet në tryezë me kryeministrin Edi Rama për të bashkuar fuqitë ashtu sikurse tha dje ky i fundit.

Basha deklaroi nuk do të angazhohet në retorikë politike, por theksoi se do vazhdojë të bëjë propozime si ato që ka bërë deri më tani.

Lideri i demokratëve nënvizoi se ekspertët e PD do vijojnë të ofrojnë ekspertizën e tyre dhe do të japin propozime për të përballuar situatën e pandemisë.

“Nuk do të angazhohem në retorikë politike. Nuk është vendi dhe as koha. Atë që kam bërë prej 5 javësh do ta bëj derisa Shqipëria të çlirohet nga kjo e keqe, nuk do të angazhohem në retorikë politike. Me mirësjellje i kam kërkuar kryeministrit të njëjtën gjë. Për fat të keq ndonëse fjalët e mbrëmshme ishin shpresëdhënëse, për fat të keq kryeministri vazhdon të harxhojë shumë kohë duke sulmuar pikërisht ekspertët që ka ftuar mbrëmë. Megjithatë ekspertët e PD kanë qenë dhe janë gati për të ofruar ekspertizën e tyre në çdo moment në shërbim të qytetarëve në fushën e ekonomisë, në fushën e shëndetësisë, në çdo fushë. Propozimet tona kanë qenë konkrete, publike, pavarësisht se janë sulmuar dhe pastaj janë adoptuar.

Ne kemi vazhduar të bëjmë punën tonë pa u shkurajuar dhe do të vazhdojmë të bëjmë punën tonë në shërbim të qytetarëve. Në këtë betejë kemi vetëm një prioritet: jetën, shëndetin dhe mirëqënienn  e qytetarëve. Ftesa ime ndaj kryeministrit është që gjithë vëmendjen dhe energjinë e tij ta fokusojë te puna jashtëzakonisht e rëndësishme që ka për të mbrojtur jetën, shëndetin dhe ekonominë e shqiptarëve dhe këtu opozita do të vazhdojë të jetë konstruktive, propozuese dhe të ofrojë pa asnjë kufizim të gjithë ekspertizën sikurse e ka ofruar deri sot”, nënvizoi Basha./ CNA.al





Lajmet e fundit nga