LEXO PA REKLAMA!

SHKARKO APP

Spahia fajëson qeverinë për rritjen e të prekurve në Shkodër/ "Nuk u bënë testime"

5 Prill 2020, 19:49, Politikë CNA
Spahia fajëson qeverinë për rritjen e të prekurve në

Ish-deputeti i PD-së Bardh Spahia ka fajësuar qeverinë për rritjen e numrave të personave të infektuar në Shkodër, që ka ardhur në rritje ditët e fundit.

Spahia pretendon se po të ishin bërë më shumë testime, situata do të ishte më ndryshe dhe nuk do të kishte kaq të infektuar.

“Është mungesa e testimit që solli edhe atë gjendje skandaloze në Shkodër. Imagjinoni sikur të ishin bërë testime para një muaj. Këta persona të prekur nuk dolën nga hiçi, është e qartë që ai virus është sjellë në popullatën e Shkodrës të paktën para disa javësh”, u shpreh ai në një lidhje me Ora News.

Demokrati deklaron se në Shkodër kanë hyrë mbi 3600 persona që kur u mor vendimi për mbylljen e rajoneve në Itali. Sipas tij, këta persona as nuk janë kontaktuar, as nuk janë testuar, as nuk janë ndjekur dhe as nuk janë studiuar si raste nga ndonjë personel shëndetësor./ CNA.al

Lajmet e fundit nga