E fundit!

12:38 Aktualitet

Sloganet kundër në protestë/ Berisha: Janë vegël e opozitës së opozitës

Kryetari i Partisë Demokratike, Sali Berisha, ka deklaruar...

“Kurba është stabilizuar”/ Ministri Luigi di Maio nuk fsheh entuziazmin e Italisë për mjekët shqiptarë

30 Mars 2020, 21:19, Aktualitet CNA

Ministri i Jashtëm Italian Luigi di Maio ka falenderuar sërish Shqipërinë për dërgimin e 30 mjekëve dhe infemierëve në shtetin fqinj.

Di Maio tha se stafi mjekësor në Itali është pritur me mjaft entuziazëm nga qytetarët, ndërsa theksoi se edhe fjalimi i kryeministrit Edi Rama i ka emocionuar.

?Ju nuk e keni idenë sa injektim, inkurajim, entuziasëm ka patur falë imazheve të mbërritjes së mjekëve dhe infermierëve nga Shqipëria dhe nga fjalimi karizmatik i kryeministrit Edi Rama, që bëri të emocionohen shumë qytetarë italianë, në sensin pozitiv. Sepse diskutimi i vlerave të përbashkëta, është një argument që flet për solidaritetin dhe miqësinë mes popujve dhe siç ka thënë Papa Françesku pak ditë më parë, askush nuk mund shpëtojë i vetëm nga kjo krizë. Unë besoj se Shqipëria, populli shqiptar dhe fjalët e Kryeministrit Rama përfaqësojnë atë vlerë europiane të solidaritetit, që ndoshta disa e kanë harruar. Por siç thashë edhe kur mbërritën mjekët dhe infermierët, kjo vlerë është mirëpërfaqësuar tek populli shqiptar, tek shpirti i Shqipërisë dhe tek qeveria shqiptare?, tha ai në një lidhje me emisionin ?Opinion?.

Ministri italian tha se qeveria do të shpenzojë të gjitha paratë që nevojiten për të ndihmuar popullin, sipërmarrjet apo qoftë edhe të moshuarit dhe të papunët. Ai theksoi se Bashkimi Europian është solidarizuar me Italinë.

?Europa është në një test të rëndësishëm mbi politikat ekonomike dhe financiare, sepse janë ato që do të na lejojnë të ndihmojmë të rinjtë tanë të mos emigrojnë por të vazhdojnë të jetojnë dhe të punojnë në vendet tona?, u shpreh Luigi di Maio.

?Unë besoj se tani në këto ditë, shkencëtarët tanë po na thonë që kurba e kontaminimeve është stabël dhe po flasim për 15 apo 20 ditë nga momenti, kur presidenti Conte vendosi mbylljen totale të sistemit Italian për të mundësuar ngadalësimin e kontaminimit. Pra ne jemi shpresëplotë dhe mbi të gjitha kemi besim tek komuniteti ynë shkencor. Unë si ministër jam në shërbim të mjekëve, infermierëve, të punonjësve socio-sanitarë, të docentëve tanë univeritarë që ndjekin komitetin teknik shkencor, sepse janë ata në rreshtin e parë, në atë që Rama e cilësoi si një luftë e vërtetë?, nënvizoi më tej ministri./ CNA.al