E fundit!

12:38 Aktualitet

Sloganet kundër në protestë/ Berisha: Janë vegël e opozitës së opozitës

Kryetari i Partisë Demokratike, Sali Berisha, ka deklaruar...

30 mjekë “rrëzuan” pas 30 vitesh nga froni në mediat italiane drogën dhe krimin shqiptar

30 Mars 2020, 20:12, Aktualitet CNA

Konfederata e Sindikatave të Shqipërisë, e ka konsideruar si një gjest për tu përshëndetur dërgimin e 30 mjekëve dhe infermierëve shqiptarë në Itali, për të ndihmuar në luftën kundër koronavirusit.

Në reagimin e Sindikatës theksohet se ky gjest ka bërë krenar mbi një milionë shqiptar që jetojë në Itali dhe miliona të tjerë që jetojnë në mbarë botën, ndërsa ?rrëzoi? nga froni në mediat italiane drogën dhe krimin shqiptar.

?10 mjekët dhe 20 infermierët që Shqipëria dërgoi në Itali për tu përballur në vijën e parë të fronit më covid 19 janë ambasadorët më të denjë të vendit tonë.

Pas 30 vitesh në shtypin italian nuk mbretëron krimi shqiptar por bluzat e bardha e të një vendi të vogël që tregoi edhe njëherë se zemrën e ka të madhe.
24 orët e fundit në Itali u shënuan 812 të vdekur dhe numri i të infektuarve ka shkuar në mbi 100 mijë, duke e kthyer Italinë në fushë betejën më të egër kundër covid 19.
Pikërisht në ferrin e coronavirusit 30 mjekë shqiptarë vendosën të shkonin atje për ti treguar Italisë se nuk janë vetëm, dhe se populli fqinj i vogël nuk i harron të mirat që ky vend i ka bërë Shqipërisë.
Shqiptarët nuk e harrojnë derën e hapur dhe mundësinë në vitet 90 kur shqiptarët prekën tokën e premtuar pas një izolimi 45 vjeçar.
Edhe pse në Shqipëri situata me Covid 19 është e vështirë dhe kanë humbur jetën dhjetë persona qeveria mori vendimin e duhur dhe për këtë duhet përgëzuar duke shmangur çdo militantizëm.
Sot Italia është vendi që ka më shumë se kurrë nevojë për mbështetjen tonë dhe ne treguar se jemi aty.
Ky gjet i Shqipërisë sonë të vogël u inkurajua dhe u vlerësua nga figurat më të larta të shtetit italian duke nisur nga Kryeministri Conte, Ministri i Brendshem Salvini, Ministi ri i Jashtem Di Maio, si dhe personalitetet me te rendesisem te vendit.
Jehona e Shqipërisë së vogël gjeti hapësirë në mediat më të rëndësishme të botës dhe kaloi përtej atlantikut ku emra të njohur të Holliwoodit si Sharon Stone përshëndetën veprimin e vendit tonë.
Ata 30 ambasadorë duhet të na bashkojnë dhe jo të na përçajnë si komb pasi janë shëmbylltyra jonë më e mirë
Nuk mungojnë kritikët për interesa të ngushta, por shqiptarët e dinë së kur miku heshtë në vështirësi, asgjë nuk kursehet.
Ata vesh nesh që jetojmë ende në trojet tona kanë bërë krenar mbi një milionë shqiptar që jetojë në Itali dhe miliona të tjerë që jetojnë në mbarë botën.
Falë këtij gjesti edhe perceptimi i medias ndërkombëtare do ndryshojë për vendin tonë, pasi Shqipëria nuk prodhon vetëm krim, por prodhon dhe dinjitet.
Konfederata e Sindikatave të Shqipërisë prej vitesh ka kërkuat nga shteti që mjekët të vlerësohen më shumë, e kjo duhet të nisë sa shpejt duke filluar nga pagat.?