web counter
LEXO PA REKLAMA!

SHKARKO APP

App Store
Google Play

"Do ndërtohet spital karantinë"/ Manastirliu: Kemi përcaktuar strukturën, brenda 20 ditëve fillon puna

25 Mars 2020, 18:08, Politikë CNA

Ndërkohë që numri i të infektuarve me koronavirus në vendin tonë po vjen duke u rritur, qeveria ka planifikuar të ndërtojë një spital të ri karantinë.

Për këtë foli edhe ministrja e Shëndetësisë Ogerta Manastirliu gjatë mbledhjes online së kryeministrit Edi Rama me një pjesë të kabinetit.

Manastirliu tha se është vlerësuar objekti dhe tregoi se në këtë spital do trajtohen personat të cilët janë në gjendje të stabilizuar shëndetësore.

“Kemi bërë një vlerësim në një objekt që po e shqyrtojmë për ta kthyer në një strukturë spitalore bazë për ata pacientë që do të kenë nevoja të trajtimit, jo terapi intensive, por ata që duhet të kenë një hospitalizim dhe do të kenë nevojë për terapi bazë. Kemi bërë një investigim në vendin ku mendojmë dhe vlerësojmë se do të jetë ky objekt dhe do i nënshtrohet një rehabilitimi dhe plotësimi të nevojave baze me aparaturave bazike për të përballuar cdo fluks të nevojshëm. Ky është një skenar i katërt në rendin e atyre që projektojmë. Spitali i parë COVID është Infektivi me 120 shtretër, i dyti është “Sanatoriumi”, më pas ish-kirurgjia në QSUT, më pas spitalet jo publike, por sigurisht edhe një strukturë spital karantinë, i nevojave bazike për të gjithë të sëmurët simptomatikë të cilët kanë nevojë për hospitalizim”, deklaroi ajo, ndërsa kur u pyet nga kreu i qeverisë se kur do të jetë gati, Manastirliu tha se brenda 20 ditëve do fillohen punimet për rehabilitimin e objektit.

Pas këtij premtimi, Rama tha me batutë se nëse fillohet puna për 20 ditë do të bëjë ministren monument te hyrja e spitalit./ CNA.al





Lajmet e fundit nga