Koronavirusi/ KSSH: Njëri prind, pushim me të drejtë page, për mjekët, shpërblim në vlerën 50% të pagës

9 Mars 2020, 16:33, Sociale CNA

Konfederata e Sindikatave të Shqipërisë solidarizohet dhe mbeshtet qeverinë shqiptare për planin e masave të ndërmërra në betejën me koronavirusin, që deri më sot ka gjunjëzuar Kinën por edhe fqinjin tonë Italinë, ku jetojnë rreth 800 mijë shqiptarë, ku deri tani janë mbi 360 të vdeku dhe mbi 7600 të infektuar.

Përgëzojmë dorën e shtrirë të opozitës për bashkëpunim në këto ditë të vështira dhe urojm që ky shembull pozitiv të shtrijë efektet në të gjithë veprimtarinë politike, ekonomike dhe sociale të vendit tonë që pas tërmetit të 26 nëntorit po përballet edhe me një tjetër sfidë që kërkon shumë kurojo dhe përgjgshmëri.

Këtë periudhe të vështirë KSSH gjendet prane personelit mjeksor dhe inkurajon ata që në çdo moment të kujtojë betimin e Hipokratit, të sakrifikojnë dhe të tregojnë humanizëm dhe profesionalizëm si e vetmja mënyrë për të fituar këtë betejë.

Kryfjalë e kësaj sfide duhet të jetë shëndeti i qytetarëvë shqiptar dhe qeveria përballë këtij rezultati nuk duhet të sakrifikojë asgjë.

Konfederata e Sindikatave të Shqipërisë i propozon qeverisë disa pika që do ti shërbejnë si manual në luftën kundër kovid 19.

1.Ne i propozojmë qeverisë shqiptare një shpëblim në vlerën 50% të pagës për të gjithë personelin shendetësor në vend që këtë periudhë do jetë i angazhuar në betejën kundër koronavirusit. Shpërblimi duhet të jepet për të gjithë punonjësit, duke nisur nga drejtuesit, mjekët infermierët, sanitarët dhe deri tek rojet e spitaleve nga Tropoja në Sarandë.
2. Të monitorohen farmacitë të mos abuzojnë më çmimet e pajisjeve mbrojtëse si maska doreza dhe dezinfektantë. Në rast paligjshmëre ndëshkimi të jetë i ashpër në bazë të ligjit.
3. Në çdo qytet të vendit të krijohen pranë spitaleve karantina për të izoluar personat që dyshohet si të prekur me koronavirus dhe të krijohet një shtab emergjence.

4. Të gjithë prindërit që kanë fëmijë në çerdhe, arsimin parashkollor, dhe arsimin 9 vjeçar, njeri prej prindërve duhet të marrë leje nga puna me të drejtë pagesë. Nuk ka kuptim të mbyllim shkollat dhe që të dy prindërit të jenë në punë. Kjo është një masë që ndërmerret në të gjitha vendet e Bashkimit Evropian në raste pandemish.

5. Të shtohen kontrollet dhe masat e sigurisë në kompanitë dhe ndermarrjet me mbi 500 punonjës që punojnë në ambjente të mbyllura si call-center, apo fasoneri.Inspektoriati i punës dhe ai shëndetsor të kontrollojnë me kamera termike punonjesit në hyrje dhe dalje nga puna.
6. Qeveria të shikojë mundësinë e mbylljes së përkohmshme të këtyre bizneseve nëse nuk i ka kapacitetet për të menaxhuar dhe kontrolluar nëse këto biznese që kanë mbi 500 punonës si kanë kapacitetet për të ofruar mbrojtje dhe siguri nga kovid 19 për punonjësit e tyre.
7. Punëdhënësit publik dhe privat të tregohen bashkëpunues jo vetëm me organet ligjzbatuese të shtetit por edhe me të gjithë ata punonjës që do kenë nevoje për leje apo për mbështetje qofte edhe financiare për të kaluar këtë situatë të vështirë. KSSH ka dyert e hapura për çdo punonjës që kërkon të denoncojë pronarët që nuk i përgjigjen thirrjes tyre për ndihmë.
8. Bashkia të japë urdhër për të ndërprerë punën linjat e transportit urbane ose që këto linja të mos marrin pasagjerë më shumë se gjysma e kapacitetit të tyrë. Nësë ky rregull nuk zbatohet kompanitë të përballen me masa ndëshkimore deri në heqjen e liçencës.
9. Bashkia e Tiranës të bëjë dezinfektim periodik në të gjitha ambintet publike, stacionet e urbanevë, stacionin interurban në automjetet e qarkullimit publik
10. AKU dhe Bashkia të kryejnë kontrolle periodike në tregjet e qyteteve dhe të ndëshkohet çdo paligjshmëri, kryesisht abuzimi me çmimet nga ana e tregtarëvë spekulantë. Për çdo rast abuzimi ndëshkimi ligjor të gjejë zbatim.
Konfederata e Sindikateve të Shqipërisë ofron të gjithë asitencën e saj në shërbim të shtetit shqiptar për të përballuar këtë situatë.
Ne kemi në gjirin tonë ekspertë të njohur në fushën e shendetësisë që janë të gatshëm të vetofrohen krah institucioneve në luftën me kovid 19.
Sot shqiperisë i duhen profesionistët dhe solidarët !