Kronika
Video-Çili me pranga drejt burgut/ Pamje nga arrestimi i pronarit të UET
Në orët e para të mëngjesit të sotëm, policia ka zhvilluar një operacion, ku mes personave të vënë në pranga është edhe pronari i UET, Henri Çili.
Operacioni “Mezhgorani”, është zhvilluar pas një hetimi 6-mujor, në funksion të procedimit penal të regjistruar në vitin 2019.
Burimet bëjnë të ditur se arrestimi i Henri Çilit është bërë nën dyshimet se ka ndërhyrë për të siguruar favore për dy vëllëzërit Arbjon dhe Alban Aliko, i pari i dënuar me burgim të përjetshëm dhe i dyti me 18 vite burg, me vendim të formës së prerë, për vrasjen e një efektivi të policisë në Lazarat, gjatë aksionit të vitit 2015 kundër kultivimit të marijuanës.
Ndërkohë, mediat raportojnë se, sipas dosjes hetimore Çili mësohet të ketë premtuar mbështetje në media, ndërsa ka takuar dhe një “zyrtar të lartë të Drejtësisë” të cilit i ka kërkuar që dosja ndaj vëllezërve Aliko të shihet me precedencë. Sipas të dhënave të para gjithashtu, bashkëjetuesja e Çilit dyshohet të ketë përfituar dy apartamente, pikërisht për shkak të angazhimeve të këtij të fundit në ndihmë të të dënuarve.
Nga ana tjetër, Policia e Shtetit ka publikuar edhe videon e cila tregon edhe momentin e arrestimit të Henri Çilit si dhe personave të tjerë të prangosur gjatë këtij operacioni./ CNA.al
Kronika
U plagos në shkëmbimin e zjarrit me Fatmir Kolecajn/ Si është gjendja shëndetësore e efektivit të FNSH
Punonjësi i FNSH-së që u plagos ditën e djeshme gjatë shkëmbimit të zjarrit në aksionin për kapjen e Fatmir Kolecajt, është në gjendje të stabilizuar shëndetësore dhe jashtë për rrezikut për jetën.
Lajmin e bën të ditur Ministria e Brendshme, e cila njofton se Sandër Lleshaj së bashku me drejtorin e Përgjithshëm të Policisë së Shtetit Ardi Veliun, vizituan punonjësin e FNSH-së në spitalin e Traumës.
Ministri i ka ofruar efektivit çdo ndihmë të nevojshme më të specializuar, ndonëse fatmirësisht ai nuk ka asnjë rrezik për jetën.
Punonjësi i FNSH-së u plagos në këmbë gjatë një operacioni për kapjen e Fatmir Kolecajt, i cili disa ditë më parë vrau vëlla e motër në Rrëshen. Policia ishte në aksion për ndalimin e të kërkuarit për rreth 45 orë, e si pasojë e rrethimit në një banesë, ai vrau veten./ CNA.al
Kronika
Paguan 700 euro për person/ 20 klandestinë afganë braktisen në Novoselë
Policia e Vlorës ka kapur 20 emigrantë afganë në autostradën Vlorë-Fier, në afërsi të Novoselës, mes tyre gra dhe fëmijë.
Nga komunikimi paraprak me policinë, emigrantët janë shprehur se i kishin marrë dy persona me makinë nga një zonë rurale në Kakavijë, me premtimin për t’i transportuar në Shkodër.
Ata shprehen se kishin paguar 700 euro për person. Organizatorët e këtij rasti trafiku, me sa duket, i kanë braktisur në afërsi të Novoselës duke u thënë që kishin arritur në hyrje të Shkodrës./CNA.al
Kronika
Dhimbje e dyfishtë/ Shkon të varrosë motrën, ndërron jetë papritur 51 vjeçari në Librazhd
Një ngjarje e rëndë ka ndodhur në Librazhd ku një 51 vjeçar ka humbur jetën paraditen e sotme, teksa merrte pjesë në ceremoninë mortore të motrës së tij.
51 vjeçari i identifikuar si Avni Duka banues në Durrës, kishte mbërritur në fshatin Dardhë ku po zhvillohej ceremonia mortore e të motrës që ishte ndarë nga jeta të enjten.
Duka e ka përjetuar jashtëzakonisht keq vdekjen e të motrës dhe kjo mendohet se e ka rënduar gjendjen e tij shëndetësore dhe papritur ka rënë përtokë, ndërsa ka ndërruar jetën.
Trupi i pajetë i Avni Dukës është transportuar në spitalin e Librazhdit për t’ju bërë autopsia, e cila do të përcaktojë dhe shkakun e vdekjes.
Paraprakisht dyshohet se ai ka humbur jetën si pasojë e një atakut kardiak./CNA.al
Lajme të Rekomanduara:
OFL “zbarkon” në Shijak/ Ultimatum për deklarimin e pasurisë dy “të fortëve”
Vijon operacioni Forca e Ligjit, në bashkëpunim me strukturat vendore të Policisë, në zbatim të detyrave të përcaktuara në Aktin Normativ të datës 31 janar...
Prangoset Henri Çili/ Policia kontrolle të shumta në UET
Gjatë mbrëmjes të së enjtes, Policia e Shtetit, pas një kontrolli në UET, ka shoqëruar Henri Çilin. Burime për CNA.al bëjnë të ditur Çili bashkë...
